वो ख़्वाब जैसा था गोया सराब लगता था
हसीन ऐसा कि फ़ख़्र-ए-गुलाब लगता था
हलीम ऐसा कि दीवानी एक दुनिया थी
कि उस से हाथ मिलाना सवाब लगता था
निभाना रिश्तों का नाज़ुक कठिन अमल निकला
जो देखने में तो सीधा हिसाब लगता था
सुराही-दार थी गर्दन नशा भरे आरिज़
सरापा उस का मुजस्सम शराब लगता था
वो बोलता तो फ़ज़ा नग़्मगी में रच जाती
गले में हो कोई उस के रबाब लगता था
कहानी एक नई देती होंट की जुम्बिश
वो लब जो खोलता गोया किताब लगता था
वो शख़्स आज गुरेज़ाँ है साए से मेरे
जिसे पसीना भी मेरा गुलाब लगता था
अमल में फ़े'अल में उस के तज़ाद था 'मुफ़्ती'
अगरचे दिल में उतरता ख़िताब लगता था
vo ḳhvāb jaisā thā goyā sarāb lagtā thā
hasīn aisā ki faḳhr-e-gulāb lagtā thā
halīm aisā ki dīvānī ek duniyā thī
ki us se haath milānā savāb lagtā thā
nibhānā rishtoñ kā nāzuk kaThin amal niklā
jo dekhne meñ to sīdhā hisāb lagtā thā
surāhī-dār thī gardan nasha bhare aariz
sarāpā us kā mujassam sharāb lagtā thā
vo boltā to fazā naġhmagī meñ rach jaatī
gale meñ ho koī us ke rabāb lagtā thā
kahānī ek na.ī detī hoñT kī jumbish
vo lab jo kholtā goyā kitāb lagtā thā
vo shaḳhs aaj gurezāñ hai saa.e se mere
jise pasīna bhī merā gulāb lagtā thā
amal meñ fe.al meñ us ke tazād thā 'muftī'
agarche dil meñ utartā ḳhitāb lagtā thā
وہ خواب جیسا تھا گویا سراب لگتا تھا
حسین ایسا کہ فخر گلاب لگتا تھا
حلیم ایسا کہ دیوانی ایک دنیا تھی
کہ اس سے ہاتھ ملانا ثواب لگتا تھا
نبھانا رشتوں کا نازک کٹھن عمل نکلا
جو دیکھنے میں تو سیدھا حساب لگتا تھا
صراحی دار تھی گردن نشہ بھرے عارض
سراپا اس کا مجسم شراب لگتا تھا
وہ بولتا تو فضا نغمگی میں رچ جاتی
گلے میں ہو کوئی اس کے رباب لگتا تھا
کہانی ایک نئی دیتی ہونٹ کی جنبش
وہ لب جو کھولتا گویا کتاب لگتا تھا
وہ شخص آج گریزاں ہے سائے سے میرے
جسے پسینہ بھی میرا گلاب لگتا تھا
عمل میں فعل میں اس کے تضاد تھا مفتیؔ
اگرچہ دل میں اترتا خطاب لگتا تھا