दिल वही अश्क-बार रहता है
ग़म से जो हम-कनार रहता है
मैं ने देखा ख़िरद के काँधों पर
इक जुनूँ सा सवार रहता है
लब तबस्सुम में हो गए मश्शाक़
दिल मगर सोगवार रहता है
एक लम्हे भी सोच लूँ उन को
मुद्दतों इक ख़ुमार रहता है
दिल रहे बे-कली के घेरे में
ज़ेहन पे तू सवार रहता है
तेरे ख़्वाबों की लत लगी जब से
रात का इंतिज़ार रहता है
सच के धागे से जो बने रिश्ता
उम्र भर उस्तुवार रहता है
तेरे दिल ने भी पढ़ लिया कलमा
जिस में ये गुनहगार रहता है
जब से जोड़ा है आप से रिश्ता
दामन-ए-तार, तार रहता है
वो तसव्वुर में इक घड़ी आएँ
देर तक दिल बहार रहता है
चाँद से इस लिए है प्यार मुझे
ये भी यारों का यार रहता है
घर में आते ही मह-जबीं ने कहा
याँ तो अख़्तर शुमार रहता है
अब तो कर डालिए वफ़ा उस को
वो जो वादा उधार रहता है
इक तरफ़ गर्दिशें ज़माने की
इक तरफ़ तेरा प्यार रहता है
तिरे दर से जुड़ा हुआ मुफ़्लिस
इश्क़ में माल-दार रहता है
माँ ने दे दी दुआ तो हश्र तलक
उस का बाँधा हिसार रहता है
दिल में सज्दे किया करो 'मुफ़्ती'
इस में पर्वरदिगार रहता है
dil vahī ashk-bār rahtā hai
ġham se jo ham-kanār rahtā hai
maiñ ne dekhā ḳhirad ke kāñdhoñ par
ik junūñ sā savār rahtā hai
lab tabassum meñ ho ga.e mashshāq
dil magar sogvār rahtā hai
ek lamhe bhī soch luuñ un ko
muddatoñ ik ḳhumār rahtā hai
dil rahe be-kalī ke ghere meñ
zehn pe tū savār rahtā hai
tere ḳhvāboñ kī lat lagī jab se
raat kā intizār rahtā hai
sach ke dhāge se jo bane rishta
umr bhar ustuvār rahtā hai
tere dil ne bhī paḌh liyā kalma
jis meñ ye gunahgār rahtā hai
jab se joḌā hai aap se rishta
dāman-e-tār, taar rahtā hai
vo tasavvur meñ ik ghaḌī aa.eñ
der tak dil bahār rahtā hai
chāñd se is liye hai pyaar mujhe
ye bhī yāroñ kā yaar rahtā hai
ghar meñ aate hī mah-jabīñ ne kahā
yaañ to aḳhtar shumār rahtā hai
ab to kar Dāliye vafā us ko
vo jo va.ada udhār rahtā hai
ik taraf gardisheñ zamāne kī
ik taraf terā pyaar rahtā hai
tire dar se juḌā huā muflis
ishq meñ māl-dār rahtā hai
maañ ne de dī duā to hashr talak
us kā bāñdhā hisār rahtā hai
dil meñ sajde kiyā karo 'muftī'
is meñ parvardigār rahtā hai
دل وہی اشک بار رہتا ہے
غم سے جو ہمکنار رہتا ہے
میں نے دیکھا خرد کے کاندھوں پر
اک جنوں سا سوار رہتا ہے
لب تبسم میں ہو گئے مشاق
دل مگر سوگوار رہتا ہے
ایک لمحے بھی سوچ لوں ان کو
مدتوں اک خمار رہتا ہے
دل رہے بے کلی کے گھیرے میں
ذہن پہ تو سوار رہتا ہے
تیرے خوابوں کی لت لگی جب سے
رات کا انتظار رہتا ہے
سچ کے دھاگے سے جو بنے رشتہ
عمر بھر استوار رہتا ہے
تیرے دل نے بھی پڑھ لیا کلمہ
جس میں یہ گنہ گار رہتا ہے
جب سے جوڑا ہے آپ سے رشتہ
دامن تار، تار رہتا ہے
وہ تصور میں اک گھڑی آئیں
دیر تک دل بہار رہتا ہے
چاند سے اس لئے ہے پیار مجھے
یہ بھی یاروں کا یار رہتا ہے
گھر میں آتے ہی مہ جبیں نے کہا
یاں تو اختر شمار رہتا ہے
اب تو کر ڈالیے وفا اس کو
وہ جو وعدہ ادھار رہتا ہے
اک طرف گردشیں زمانے کی
اک طرف تیرا پیار رہتا ہے
ترے در سے جڑا ہوا مفلس
عشق میں مال دار رہتا ہے
ماں نے دے دی دعا تو حشر تلک
اس کا باندھا حصار رہتا ہے
دل میں سجدے کیا کرو مفتیؔ
اس میں پروردگار رہتا ہے