वो दर्द-ए-दिल भी नहीं चश्म-ए-ख़ूँ-फ़िशाँ भी नहीं
कभी जो था वो अब अंदाज़-ए-गुलसिताँ भी नहीं
इलाज-ए-दर्द-ए-मोहब्बत तो कर नहीं सकते
तुम्हारे क़ब्ज़े में क्या मर्ग-ए-ना-गहाँ भी नहीं
वो इस मक़ाम से गुज़रे हैं दिल ये कहता है
झुका है सर कि जहाँ कोई आस्ताँ भी नहीं
इसी चमन में कई बार शो'ले भड़के हैं
मिरी नवा का कोई अब मिज़ाज-दाँ भी नहीं
सुकूत कितने मराहिल के बा'द आता है
वो मुतमइन हैं मिरे लब पे अब फ़ुग़ाँ भी नहीं
ये और बात क़फ़स में गुज़ार दूँ दिन-रात
मिरा मक़ाम तो वर्ना ये गुलसिताँ भी नहीं
शब-ए-फ़िराक़ में अंदेशा-ए-सहर कैसा
ये वो ज़मीं है जहाँ कोई आसमाँ भी नहीं
vo dard-e-dil bhī nahīñ chashm-e-ḳhūñ-fishāñ bhī nahīñ
kabhī jo thā vo ab andāz-e-gulsitāñ bhī nahīñ
ilāj-e-dard-e-mohabbat to kar nahīñ sakte
tumhāre qabze meñ kyā marg-e-nā-gahāñ bhī nahīñ
vo is maqām se guzre haiñ dil ye kahtā hai
jhukā hai sar ki jahāñ koī āstāñ bhī nahīñ
isī chaman meñ ka.ī baar sho'le bhaḌke haiñ
mirī navā kā koī ab mizāj-dāñ bhī nahīñ
sukūt kitne marāhil ke ba.ad aatā hai
vo mutma.in haiñ mire lab pe ab fuġhāñ bhī nahīñ
ye aur baat qafas meñ guzār duuñ din-rāt
mirā maqām to varna ye gulsitāñ bhī nahīñ
shab-e-firāq meñ andesha-e-sahar kaisā
ye vo zamīñ hai jahāñ koī āsmāñ bhī nahīñ
وہ درد دل بھی نہیں چشم خوں فشاں بھی نہیں
کبھی جو تھا وہ اب انداز گلستاں بھی نہیں
علاج درد محبت تو کر نہیں سکتے
تمہارے قبضے میں کیا مرگ ناگہاں بھی نہیں
وہ اس مقام سے گزرے ہیں دل یہ کہتا ہے
جھکا ہے سر کہ جہاں کوئی آستاں بھی نہیں
اسی چمن میں کئی بار شعلے بھڑکے ہیں
مری نوا کا کوئی اب مزاج داں بھی نہیں
سکوت کتنے مراحل کے بعد آتا ہے
وہ مطمئن ہیں مرے لب پہ اب فغاں بھی نہیں
یہ اور بات قفس میں گزار دوں دن رات
مرا مقام تو ورنہ یہ گلستاں بھی نہیں
شب فراق میں اندیشۂ سحر کیسا
یہ وہ زمیں ہے جہاں کوئی آسماں بھی نہیں