वफ़ा की ख़ू पस-ए-जाह-ओ-जलाल रह गई थी
अना के ख़ोल में वो बे-मिसाल रह गई थी
खटक रही है न जाने क्यों आज भी दिल में
जो एक बात दरून-ए-सवाल रह गई थी
मिला जो मौक़ा तो हम फ़ाएदा उठाएँगे
कि पिछली बार अधूरी धमाल रह गई थी
जनाब-ए-क़ैस भी मरने में हक़-ब-जानिब थे
कि शहर भर में वही ख़ुश-ख़िसाल रह गई थी
समय की गर्द ने ओझल किए सभी क़िस्से
मगर जो एक थी चाहत कमाल रह गई थी
ग़लत कहा था कि राहत मिली मोहब्बत से
ये ज़िंदगी तो थकन से निढाल रह गई थी
ये लोग आग लगाने में इतने माहिर थे
मुसालहत तो पस-ए-इश्तिआ'ल रह गई थी
मैं ओढ़े फिरता हूँ अब जून के महीने में
निशानी उस की जो इक ज़र्द शाल रह गई थी
वो मिस्ल-ए-दर्द पड़ा रह गया था सीने में
सो उस की याद भी बन के मलाल रह गई थी
कभी न सोचा 'उमर' उस को ठेस पहुँचेगी
उसे मिरी मुझे फ़िक्र-ए-अयाल रह गई थी
vafā kī ḳhū pas-e-jāh-o-jalāl rah ga.ī thī
anā ke ḳhol meñ vo be-misāl rah ga.ī thī
khaTak rahī hai na jaane kyoñ aaj bhī dil meñ
jo ek baat darūn-e-savāl rah ga.ī thī
milā jo mauqa to ham fā.eda uThā.eñge
ki pichhlī baar adhūrī dhamāl rah ga.ī thī
janāb-e-qais bhī marne meñ haq-ba-jānib the
ki shahr bhar meñ vahī ḳhush-ḳhisāl rah ga.ī thī
samay kī gard ne ojhal kiye sabhī qisse
magar jo ek thī chāhat kamāl rah ga.ī thī
ġhalat kahā thā ki rāhat milī mohabbat se
ye zindagī to thakan se niDhāl rah ga.ī thī
ye log aag lagāne meñ itne māhir the
musālahat to pas-e-ishti.āl rah ga.ī thī
maiñ oḌhe phirtā huuñ ab june ke mahīne meñ
nishānī us kī jo ik zard shaal rah ga.ī thī
vo misl-e-dard paḌā rah gayā thā siine meñ
so us kī yaad bhī ban ke malāl rah ga.ī thī
kabhī na sochā 'umar' us ko Thes pahuñchegī
use mirī mujhe fikr-e-ayāl rah ga.ī thī
وفا کی خو پس جاہ و جلال رہ گئی تھی
انا کے خول میں وہ بے مثال رہ گئی تھی
کھٹک رہی ہے نہ جانے کیوں آج بھی دل میں
جو ایک بات درون سوال رہ گئی تھی
ملا جو موقع تو ہم فائدہ اٹھائیں گے
کہ پچھلی بار ادھوری دھمال رہ گئی تھی
جناب قیس بھی مرنے میں حق بہ جانب تھے
کہ شہر بھر میں وہی خوش خصال رہ گئی تھی
سمے کی گرد نے اوجھل کیے سبھی قصے
مگر جو ایک تھی چاہت کمال رہ گئی تھی
غلط کہا تھا کہ راحت ملی محبت سے
یہ زندگی تو تھکن سے نڈھال رہ گئی تھی
یہ لوگ آگ لگانے میں اتنے ماہر تھے
مصالحت تو پس اشتعال رہ گئی تھی
میں اوڑھے پھرتا ہوں اب جون کے مہینے میں
نشانی اس کی جو اک زرد شال رہ گئی تھی
وہ مثل درد پڑا رہ گیا تھا سینے میں
سو اس کی یاد بھی بن کے ملال رہ گئی تھی
کبھی نہ سوچا عمرؔ اس کو ٹھیس پہنچے گی
اسے مری مجھے فکر عیال رہ گئی تھی