उस ने पूछा भी मगर हाल छुपाए गए हम
अपने ही आप में इक हश्र उठाए गए हम
ज़िंदगी देख कि एहसान तिरे कितने हैं
दिल के हर दाग़ को आईना बनाए गए हम
फिर वही शाम वही दर्द वही अपना जुनूँ
जाने क्या याद थी वो जिस को भुलाए गए हम
किन दरीचों के चराग़ों से हमें निस्बत थी
कि अभी जल नहीं पाए कि बुझाए गए हम
उम्र भर हादसे ही करते रहे इस्तिक़बाल
वक़्त ऐसा था कि सीने से लगाए गए हम
रास्ते दौड़े चले जाते हैं किन सम्तों को
धूप में जलते रहे साए बिछाए गए हम
दश्त-दर-दश्त बिखरते चले जाते हैं 'शनास'
जाने किस आलम-ए-वहशत में उठाए गए हम
us ne pūchhā bhī magar haal chhupā.e ga.e ham
apne hī aap meñ ik hashr uThā.e ga.e ham
zindagī dekh ki ehsān tire kitne haiñ
dil ke har daaġh ko ā.īna banā.e ga.e ham
phir vahī shaam vahī dard vahī apnā junūñ
jaane kyā yaad thī vo jis ko bhulā.e ga.e ham
kin darīchoñ ke charāġhoñ se hameñ nisbat thī
ki abhī jal nahīñ paa.e ki bujhā.e ga.e ham
umr bhar hādse hī karte rahe istiqbāl
vaqt aisā thā ki siine se lagā.e ga.e ham
rāste dauḌe chale jaate haiñ kin samtoñ ko
dhuup meñ jalte rahe saa.e bichhā.e ga.e ham
dasht-dar-dasht bikharte chale jaate haiñ 'shanās'
jaane kis ālam-e-vahshat meñ uThā.e ga.e ham
اس نے پوچھا بھی مگر حال چھپائے گئے ہم
اپنے ہی آپ میں اک حشر اٹھائے گئے ہم
زندگی دیکھ کہ احسان ترے کتنے ہیں
دل کے ہر داغ کو آئینہ بنائے گئے ہم
پھر وہی شام وہی درد وہی اپنا جنوں
جانے کیا یاد تھی وہ جس کو بھلائے گئے ہم
کن دریچوں کے چراغوں سے ہمیں نسبت تھی
کہ ابھی جل نہیں پائے کہ بجھائے گئے ہم
عمر بھر حادثے ہی کرتے رہے استقبال
وقت ایسا تھا کہ سینے سے لگائے گئے ہم
راستے دوڑے چلے جاتے ہیں کن سمتوں کو
دھوپ میں جلتے رہے سائے بچھائے گئے ہم
دشت در دشت بکھرتے چلے جاتے ہیں شناسؔ
جانے کس عالم وحشت میں اٹھائے گئے ہم