उलुल-'अज़मी न बेबाकी न चंचल ज़िंदगानी है
तुम्हीं सोचो कि ये कोई जवानी में जवानी है
चलाओ अपनी मर्ज़ी पर पलट दो और बदल डालो
ज़माने की वो गर्दिश है कि दौर-ए-आसमानी है
अगर है जोश सर में और दिल में जज़्बा-ए-सादिक़
तो फिर नार-ए-जहन्नम भी तुम्हारे आगे पानी है
तबाही पर चमन की नौहा-ख़्वानी किस लिए बुलबुल
तू जी मत छोड़ फ़स्ल-ए-गुल फिर आनी है फिर आनी है
जो हैं आज़ाद दिल के उन को क़ैद और बन बराबर हैं
रवाँ पाबंदी-ए-साहिल पे भी दरिया का पानी है
वतन के ग़म से दिल में हो कसक और ख़ून आँखों में
हमारे हक़ में क्या कम ये नवेद-ए-शादमानी है
ज़रूरत है वतन को तेरे ईसार-ए-मुकम्मल की
अगर जज़्बा तिरा ख़ालिस निरा हिन्दोस्तानी है
सिवा हक़ के किसी के आगे वो झुकते नहीं 'कैफ़ी'
ये मर्दान-ए-ख़ुदा की शान ये उन की निशानी है
ulul-'azmī na bebākī na chanchal zindagānī hai
tumhīñ socho ki ye koī javānī meñ javānī hai
chalāo apnī marzī par palaT do aur badal Daalo
zamāne kī vo gardish hai ki daur-e-āsmānī hai
agar hai josh sar meñ aur dil meñ jazba-e-sādiq
to phir nār-e-jahannam bhī tumhāre aage paanī hai
tabāhī par chaman kī nauha-ḳhvānī kis liye bulbul
tū jī mat chhoḌ fasl-e-gul phir aanī hai phir aanī hai
jo haiñ āzād dil ke un ko qaid aur ban barābar haiñ
ravāñ pābandī-e-sāhil pe bhī dariyā kā paanī hai
vatan ke ġham se dil meñ ho kasak aur ḳhuun āñkhoñ meñ
hamāre haq meñ kyā kam ye naved-e-shādmānī hai
zarūrat hai vatan ko tere īsār-e-mukammal kī
agar jazba tirā ḳhālis nirā hindostānī hai
sivā haq ke kisī ke aage vo jhukte nahīñ 'kaifī'
ye mardān-e-ḳhudā kī shaan ye un kī nishānī hai
اولو العزمی نہ بے باکی نہ چنچل زندگانی ہے
تمہیں سوچو کہ یہ کوئی جوانی میں جوانی ہے
چلاؤ اپنی مرضی پر پلٹ دو اور بدل ڈالو
زمانہ کی وہ گردش ہے کہ دور آسمانی ہے
اگر ہے جوش سر میں اور دل میں جذبۂ صادق
تو پھر نار جہنم بھی تمہارے آگے پانی ہے
تباہی پر چمن کی نوحہ خوانی کس لیے بلبل
تو جی مت چھوڑ فصل گل پھر آنی ہے پھر آنی ہے
جو ہیں آزاد دل کے ان کو قید اور بن برابر ہیں
رواں پابندیٔ ساحل پہ بھی دریا کا پانی ہے
وطن کے غم سے دل میں ہو کسک اور خون آنکھوں میں
ہمارے حق میں کیا کم یہ نوید شادمانی ہے
ضرورت ہے وطن کو تیرے ایثار مکمل کی
اگر جذبہ ترا خالص نرا ہندوستانی ہے
سوا حق کے کسی کے آگے وہ جھکتے نہیں کیفیؔ
یہ مردان خدا کی شان یہ ان کی نشانی ہے