आह वो शो'ला है जो जी को बुझा के उट्ठे
दर्द वो फ़ित्ना है जो दिल को बिठा के उट्ठे
आप की याद में हम ऐ सनम-ए-ग़फ़लत-केश
ऐसे बैठे कि क़यामत ही उठा के उट्ठे
एक दुज़्दीदा-नज़र से मिरा दिल छीन के वाह
तुम किधर को मिरी जाँ आँख बचा के उट्ठे
अर्सा-ए-हश्र तक इक लग गया ताँता उन का
मुर्दे क़ब्रों से जो तेरे शोहदा के उट्ठे
रमज़ाँ क्यूँकि बरस-भर को समझ बैठें हम
आए दिन के भी किसी से ये कड़ाके उट्ठे
दिल-नशीं रहमत-ए-हक़ जब से हुई है 'कैफ़ी'
दग़दग़े दिल से मिरे रोज़-ए-जज़ा के उट्ठे
aah vo sho.ala hai jo jī ko bujhā ke uTThe
dard vo fitna hai jo dil ko biThā ke uTThe
aap kī yaad meñ ham ai sanam-e-ġhaflat-kesh
aise baiThe ki qayāmat hī uThā ke uTThe
ek duzdīda-nazar se mirā dil chhīn ke vaah
tum kidhar ko mirī jaañ aañkh bachā ke uTThe
arsa-e-hashr tak ik lag gayā tāñtā un kā
murde qabroñ se jo tere shohdā ke uTThe
ramazāñ kyūñki baras-bhar ko samajh baiTheñ ham
aa.e din ke bhī kisī se ye kaḌāke uTThe
dil-nashīñ rahmat-e-haq jab se huī hai 'kaifī'
daġhdaġhe dil se mire roz-e-jazā ke uTThe
آہ وہ شعلہ ہے جو جی کو بجھا کے اٹھے
درد وہ فتنہ ہے جو دل کو بٹھا کے اٹھے
آپ کی یاد میں ہم اے صنم غفلت کیش
ایسے بیٹھے کہ قیامت ہی اٹھا کے اٹھے
ایک دزدیدہ نظر سے مرا دل چھین کے واہ
تم کدھر کو مری جاں آنکھ بچا کے اٹھے
عرصۂ حشر تک اک لگ گیا تانتا ان کا
مردے قبروں سے جو تیرے شہدا کے اٹھے
رمضاں کیونکہ برس بھر کو سمجھ بیٹھیں ہم
آئے دن کے بھی کسی سے یہ کڑاکے اٹھے
دل نشیں رحمت حق جب سے ہوئی ہے کیفیؔ
دغدغے دل سے مرے روز جزا کے اٹھے