तलाश जिस नूर की है तुझ को छुपा है तेरे बदन के अंदर
ज़ुहूर-ए-आलम हुआ उसी से वो है हर इक जान-आे-तन के अंदर
तुझे ये बे-सर्फ़ा जद्द-ओ-कद है कशाकशी में भी शद्द-ओ-मद है
नफ़स की तुझ को अगर मदद है सफ़र है इस जा वतन के अंदर
तुझे वहाँ से गुरेज़ ओ रम है तलाश अब आहू-ए-हरम है
चला है वो राह जो भरम है, है मुश्क-ए-नाफ़ा ख़ुतन के अंदर
जहाँ में सारा है नूर तेरा हर एक शय में ज़ुहूर तेरा
मगर तख़य्युल है दूर तेरा पड़ा है बैत-उल-हुज़न के अंदर
तू ही मुहक़क़िक़ तू ही मुजद्दिद बना है तू आप ही मुक़ल्लिद
तू रस्म-ओ-रह का हुआ मुक़य्यद फँसा है ख़ुद मा-ओ-मन के अंदर
क़दीम वीराँ-कदा है हस्ती समझ इसे है फ़ना की बस्ती
ये तेरी हिम्मत की सब है पस्ती ज़ुबूँ है दहर-ए-कुहन के अंदर
अजीब अहमक़ है और सादा सवार हो कर हुआ पियादा
किधर चला ये नहीं है जादा तू क्यूँ भटकता है बन के अंदर
ये आतिश-ए-इश्क़ की है जिद्दत कि दिल में पैदा हुई है रिक़्क़त
ये सोज़-ए-ग़म की मिली है लज़्ज़त मज़ा है दिल की जलन के अंदर
हुआ है मस्त-ए-शराब-ए-गुलगूँ अकड़ रहा है वो सर्व-ए-मौज़ूँ
दिखा के हम को ये जाम-ए-वाज़ूँ ख़जिल किया अंजुमन के अंदर
हुआ है सरशार वहम-ए-'साक़ी' तुझे नहीं शौक़-ए-वस्ल बाक़ी
हवा-ए-दुनिया का है मिराक़ी पड़ा है आवागवन के अंदर
talāsh jis nuur kī hai tujh ko chhupā hai tere badan ke andar
zuhūr-e-ālam huā usī se vo hai har ik jān-o-tan ke andar
tujhe ye be-sarfa jadd-o-kad hai kashākashī meñ bhī shadd-o-mad hai
nafas kī tujh ko agar madad hai safar hai is jā vatan ke andar
tujhe vahāñ se gurez o ram hai talāsh ab āhū-e-haram hai
chalā hai vo raah jo bharam hai, hai mushk-e-nāfa ḳhutan ke andar
jahāñ meñ saarā hai nuur terā har ek shai meñ zuhūr terā
magar taḳhayyul hai duur terā paḌā hai bait-ul-huzan ke andar
tū hī muhaqqiq tū hī mujaddid banā hai tū aap hī muqallid
tū rasm-o-rah kā huā muqayyad phañsā hai ḳhud mā-o-man ke andar
qadīm vīrāñ-kada hai hastī samajh ise hai fanā kī bastī
ye terī himmat kī sab hai pastī zubūñ hai dahr-e-kuhan ke andar
ajiib ahmaq hai aur saada savār ho kar huā piyāda
kidhar chalā ye nahīñ hai jaada tū kyuuñ bhaTaktā hai ban ke andar
ye ātish-e-ishq kī hai jiddat ki dil meñ paidā huī hai riqqat
ye soz-e-ġham kī milī hai lazzat maza hai dil kī jalan ke andar
huā hai mast-e-sharāb-e-gulgūñ akaḌ rahā hai vo sarv-e-mauzūñ
dikhā ke ham ko ye jām-e-vāzūñ ḳhajil kiyā anjuman ke andar
huā hai sarshār vahm-e-'sāqī' tujhe nahīñ shauq-e-vasl baaqī
havā-e-duniyā kā hai mirāqī paḌā hai āvāgavan ke andar
تلاش جس نور کی ہے تجھ کو چھپا ہے تیرے بدن کے اندر
ظہور عالم ہوا اسی سے وہ ہے ہر اک جان و تن کے اندر
تجھے یہ بے صرفہ جد و کد ہے کشاکشی میں بھی شد و مد ہے
نفس کی تجھ کو اگر مدد ہے سفر ہے اس جا وطن کے اندر
تجھے وہاں سے گریز و رم ہے تلاش اب آہو حرم ہے
چلا ہے وہ راہ جو بھرم ہے، ہے مشک نافہ ختن کے اندر
جہاں میں سارا ہے نور تیرا ہر ایک شے میں ظہور تیرا
مگر تخیل ہے دور تیرا پڑا ہے بیت الحزن کے اندر
تو ہی محقق تو ہی مجدد بنا ہے تو آپ ہی مقلد
تو رسم و رہ کا ہوا مقید پھنسا ہے خود ما و من کے اندر
قدیم ویراں کدہ ہے ہستی سمجھ اسے ہے فنا کی بستی
یہ تیری ہمت کی سب ہے پستی زبوں ہے دہر کہن کے اندر
عجیب احمق ہے اور سادہ سوار ہو کر ہوا پیادہ
کدھر چلا یہ نہیں ہے جادہ تو کیوں بھٹکتا ہے بن کے اندر
یہ آتش عشق کی ہے جدت کہ دل میں پیدا ہوئی ہے رقت
یہ سوز غم کی ملی ہے لذت مزہ ہے دل کی جلن کے اندر
ہوا ہے مست شراب گلگوں اکڑ رہا ہے وہ سرو موزوں
دکھا کے ہم کو یہ جام واژوں خجل کیا انجمن کے اندر
ہوا ہے سرشار وہم ساقیؔ تجھے نہیں شوق وصل باقی
ہوائے دنیا کا ہے مراقی پڑا ہے آواگون کے اندر