सूरत-ए-हाल अब तो वो नक़्श-ए-ख़याली हो गया
जो मक़ाम मा-सिवा था दिल में ख़ाली हो गया
मुमतन'अ जो था वो है ज़ेब-ए-बदाहत क़ल्ब को
जो यक़ीनी अम्र था वो एहतिमाली हो गया
छोड़ी ख़ुद-बीनी तो अब हर शय में हुस्न आया नज़र
दीदा-ए-हक़-बीं जलाली से जमाली हो गया
ज़ौक़-ए-नज़्ज़ारा ये है आँखों पर अब रखता हूँ मैं
ज़र्रे ज़र्रे को जो नज़्र-ए-पाएमाली हो गया
ज़ो'म और पिंदार का हक़-उल-यक़ीं से है बदल
वो घरोंदा अब तो फ़ानूस-ए-ख़याली हो गया
आँख उठ कर हुस्न-ए-क़ुदरत से जो अपने पर गई
सब ख़ुदी का रंग रंग-ए-इंफ़िआली हो गया
पहले इस में सर था ऐ समसाम 'इश्क़ और जान थी
क्यूँकि मिलता तुझ से आ अब हाथ ख़ाली हो गया
ग़ैरत-ए-दिल-दादा-ओ-दिल-दार की जाती रही
अब तो जो होना था ऐ आक़ा-ए-आली हो गया
वजह-ए-इल्म-ए-ज़ात हो क्यूँकर न इरफ़ान-ए-सिफ़त
क्या 'अर्ज़ की शान जब जौहर से ख़ाली हो गया
जो रहा ख़ुद्दार होने पर ख़ुदी से दूर दूर
वो दयार-ए-'इश्क़-ओ-दिल-सोज़ी का वाली हो गया
है ख़ता उस को अगर 'आशिक़ कहो तुम जिस का 'इश्क़
ख़त्म जब उस ने मुराद इक अपनी पा ली हो गया
जज़्बा-ए-ईसार क्या क़ुव्वत ‘अमल की फिर कहाँ
जब शु'ऊर इंसाँ का सर्फ़-ए-ला-उबाली हो गया
ऐ क़दामत-केश सुन ये आलम-ए-ईजाद है
नाम जिद्दत का अज़ल में ला-यज़ाली हो गया
छोड़ कर लुत्फ़-ए-सुख़न मग़्ज़-ए-सुख़न से काम लो
क्या हुआ 'कैफ़ी' जो गर्म-ए-ख़ुश-मक़ाली हो गया
sūrat-e-hāl ab to vo naqsh-e-ḳhayālī ho gayā
jo maqām mā-sivā thā dil meñ ḳhālī ho gayā
mumtana.a jo thā vo hai zeb-e-badāhat qalb ko
jo yaqīnī amr thā vo ehtimālī ho gayā
chhoḌī ḳhud-bīnī to ab har shai meñ husn aayā nazar
dīda-e-haq-bīñ jalālī se jamālī ho gayā
zauq-e-nazzāra ye hai āñkhoñ par ab rakhtā huuñ maiñ
zarre zarre ko jo nazar-e-pā.emālī ho gayā
zo'm aur pindār kā haq-ul-yaqīñ se hai badal
vo gharonda ab to fānūs-e-ḳhayālī ho gayā
aañkh uTh kar husn-e-qudrat se jo apne par ga.ī
sab ḳhudī kā rang rañg-e-infi.ālī ho gayā
pahle is meñ sar thā ai samsām 'ishq aur jaan thī
kyūñki miltā tujh se aa ab haath ḳhālī ho gayā
ġhairat-e-dil-dāda-o-dil-dār kī jaatī rahī
ab to jo honā thā ai āqā-e-ālī ho gayā
vajah-e-ilm-e-zāt ho kyūñkar na irfān-e-sifat
kyā 'arz kī shaan jab jauhar se ḳhālī ho gayā
jo rahā ḳhuddār hone par ḳhudī se duur duur
vo dayār-e-'ishq-o-dil-sozī kā vaalī ho gayā
hai ḳhatā us ko agar 'āshiq kaho tum jis kā 'ishq
ḳhatm jab us ne murād ik apnī pā lī ho gayā
jazba-e-īsār kyā quvvat ‘amal kī phir kahāñ
jab shu'ūr insāñ kā sarf-e-lā-ubālī ho gayā
ai qadāmat-kesh sun ye ālam-e-ījād hai
naam jiddat kā azal meñ lā-yazālī ho gayā
chhoḌ kar lutf-e-suḳhan maġhz-e-suḳhan se kaam lo
kyā huā 'kaifī' jo garam-e-ḳhush-maqālī ho gayā
صورت حال اب تو وہ نقش خیالی ہو گیا
جو مقام ماسوا تھا دل میں خالی ہو گیا
ممتنع جو تھا وہ ہے زیب بداہت قلب کو
جو یقینی امر تھا وہ احتمالی ہو گیا
چھوڑی خود بینی تو اب ہر شے میں حسن آیا نظر
دیدۂ حق بیں جلالی سے جمالی ہو گیا
ذوق نظارہ یہ ہے آنکھوں پر اب رکھتا ہوں میں
ذرے ذرے کو جو نذر پائمالی ہو گیا
زعم اور پندار کا حق الیقیں سے ہے بدل
وہ گھروندہ اب تو فانوس خیالی ہو گیا
آنکھ اٹھ کر حسن قدرت سے جو اپنے پر گئی
سب خودی کا رنگ رنگ انفعالی ہو گیا
پہلے اس میں سر تھا اے صمصام عشق اور جان تھی
کیونکہ ملتا تجھ سے آ اب ہاتھ خالی ہو گیا
غیرت دل دادہ و دل دار کی جاتی رہی
اب تو جو ہونا تھا اے آقائے عالی ہو گیا
وجہ علم ذات ہو کیوں کر نہ عرفان صفت
کیا عرض کی شان جب جوہر سے خالی ہو گیا
جو رہا خوددار ہونے پر خودی سے دور دور
وہ دیار عشق و دل سوزی کا والی ہو گیا
ہے خطا اس کو اگر عاشق کہو تم جس کا عشق
ختم جب اس نے مراد اک اپنی پا لی ہو گیا
جذبۂ ایثار کیا قوت عمل کی پھر کہاں
جب شعور انساں کا صرف لاابالی ہو گیا
اے قدامت کیش سن یہ عالم ایجاد ہے
نام جدت کا ازل میں لا یزالی ہو گیا
چھوڑ کر لطف سخن مغز سخن سے کام لو
کیا ہوا کیفیؔ جو گرم خوش مقالی ہو گیا