सितारे जब किसी महताब का क़िस्सा सुनाते हैं
मिरे ख़्वाबों के आँगन में उजाले मुस्कुराते हैं
हक़ीक़त सामने लाने से जब दामन बचाते हैं
तो गिर कर आइने हाथों से ख़ुद ही टूट जाते हैं
हमें तो मुस्कुराने के सिवा कुछ भी नहीं आता
हुजूम-ए-ग़म में भी हम लोग यूँ ही मुस्कुराते हैं
चलो ऐ बादा-ख़्वारो चल के उन की ख़ैरियत पूछें
सुना है शैख़ साहब मय-कदे में पाए जाते हैं
मोहब्बत में नदामत के सिवा कुछ भी नहीं पाया
मगर फिर भी मोहब्बत से कहाँ हम बाज़ आते हैं
तुम ही रूठे हुए हो जब हमारे दिल की दुनिया से
चलो फिर हम भी अपनी ज़िंदगी से रूठ जाते हैं
यही है फ़र्क़ ज़ाहिद और आशिक़ की इबादत में
ये अपना सर झुकाता है वो अपना दिल झुकाते हैं
मिरी उम्मीद अक्सर चाहती है सुर्ख़-रू होना
मगर हालात अक्सर मुझ को आईना दिखाते हैं
sitāre jab kisī mahtāb kā qissa sunāte haiñ
mire ḳhvāboñ ke āñgan meñ ujāle muskurāte haiñ
haqīqat sāmne laane se jab dāman bachāte haiñ
to gir kar aa.ine hāthoñ se ḳhud hī TuuT jaate haiñ
hameñ to muskurāne ke sivā kuchh bhī nahīñ aatā
hujūm-e-ġham meñ bhī ham log yuuñ hī muskurāte haiñ
chalo ai bāda-ḳhvāro chal ke un kī ḳhairiyat pūchheñ
sunā hai shaiḳh sāhab mai-kade meñ paa.e jaate haiñ
mohabbat meñ nadāmat ke sivā kuchh bhī nahīñ paayā
magar phir bhī mohabbat se kahāñ ham baaz aate haiñ
tum hī rūThe hue ho jab hamāre dil kī duniyā se
chalo phir ham bhī apnī zindagī se ruuTh jaate haiñ
yahī hai farq zāhid aur āshiq kī ibādat meñ
ye apnā sar jhukātā hai vo apnā dil jhukāte haiñ
mirī ummīd aksar chāhtī hai surḳh-rū honā
magar hālāt aksar mujh ko ā.īna dikhāte haiñ
ستارے جب کسی مہتاب کا قصہ سناتے ہیں
مرے خوابوں کے آنگن میں اجالے مسکراتے ہیں
حقیقت سامنے لانے سے جب دامن بچاتے ہیں
تو گر کر آئنہ ہاتھوں سے خود ہی ٹوٹ جاتے ہیں
ہمیں تو مسکرانے کے سوا کچھ بھی نہیں آتا
ہجوم غم میں بھی ہم لوگ یوں ہی مسکراتے ہیں
چلو اے بادہ خوارو چل کے ان کی خیریت پوچھیں
سنا ہے شیخ صاحب میکدے میں پائے جاتے ہیں
محبت میں ندامت کے سوا کچھ بھی نہیں پایا
مگر پھر بھی محبت سے کہاں ہم باز آتے ہیں
تم ہی روٹھے ہوئے ہو جب ہمارے دل کی دنیا سے
چلو پھر ہم بھی اپنی زندگی سے روٹھ جاتے ہیں
یہی ہے فرق زاہد اور عاشق کی عبادت میں
یہ اپنا سر جھکاتا ہے وہ اپنا دل جھکاتے ہیں
مری امید اکثر چاہتی ہے سرخ رو ہونا
مگر حالات اکثر مجھ کو آئینہ دکھاتے ہیں