शहीद-ए-अरमाँ पड़े हैं बिस्मिल खड़ा वो तलवार का धनी है
इधर तो ये क़त्ल-ए-'आम देखा उधर वो कैसी कटा-छनी है
हुआ है नैरंग आज कैसा ये दिल में क़ातिल के क्या ठनी है
जिधर से गुज़रा ज़बाँ से निकला ये कुश्तनी है वो कुश्तनी है
बिगड़ के हम को बिगाड़ डाला सँवारना ही तुम्हें न आया
बनो जो मुंसिफ़ बताएँ दिलबर कि इस बिगड़ने से क्या बनी है
कभी हँसाती है याद तेरी कभी रुलाता है हिज्र तेरा
ये क़ाबिल-ए-दीद है तमाशा ये सैर-ए-बे-मेहर दीदनी है
सुना है मक़्तल में आज कोई क़तील-ए-हसरत शहीद होगा
हुई जो शोहरत ये शहर में है हर इक तरफ़ एक सनसनी है
करम है दरिया-दिलों की ज़ीनत कहाँ बख़ीलों की है ये तीनत
उसे तवंगर नहीं कहेंगे जो कोई मुहताज-ए-दिल ग़नी है
शिकस्त-ए-पैमाँ का हम को 'आदी किया है इक मस्त-ए-नोश-ए-लब ने
ब-मसलहत हम हुए हैं ताइब ये तौबा आख़िर शिकस्तनी है
दिखा के हम को जमाल-ए-रअना किया है क्यूँ रह-नवर्द-ए-वहशत
बने थे ख़ुद रहनुमा हमारे ये रहबरी में भी रहज़नी है
तरीक़ उन का ही सुल्ह-ए-कुल है जो बे-हमा बा-हमा नज़र हैं
हमें ये बरताव ने दिखाया कि दोस्ती में भी दुश्मनी है
वफ़ा-शि'आरी है जाँ-निसारी है उज़्र-ए-शिकवा न अर्ज़-ए-मतलब
हमीं हैं इक बे-नज़ीर तालिब हरीफ़ जो है वो यक-फ़नी है
वो आया तुर्बत पे बेवफ़ा गुल हर इक से अफ़्सुर्दा हो के पूछा
ये किस की मशहद पे है चराग़ाँ जो इबरत-अंगेज़ रौशनी है
फ़ना-ए-क़ल्बी है फ़त्ह-ए-ऐनी हुआ है गर महव शरह-ए-सदरी
यही है मिफ़्ताह-ए-दिल-कुशाई ये कश्फ़-ए-बातिन की जांकनी है
हुए जो ये मुब्तला-ए-उल्फ़त असीर दाम-ए-विसाल के हैं
हवा-ए-ज़ुल्फ़-ए-ख़याल-ए-जानाँ बनी हुई तौक़-ए-गर्दनी है
ये किस क़लंदर को मार डाला ग़ज़ब किया जामा-पोश-ए-नख़वत
खड़ा हुआ रो रहा है जज़्बा गिरी हुई पाक-दामनी है
कभी न होंगे मुरीद-ए-जिद्दत नहीं हैं मुश्ताक़-ए-हुस्न-ए-बिदअत
हमारा मशरब है सूफियाना हमारा मज़हब सनातनी है
किया है इबरत-मिसाल कैसा ख़याल-ए-इबरत-नज़र ने हम को
करें त'अल्लुक़ किसी से क्या हम जो शक्ल देखी गुज़िश्तनी है
सिफ़ात में ज़ात है नुमायाँ हुई वो बालिग़-नज़र है निस्बत
किया है महव-ए-जमाल-ए-जानाँ ये सैर-क़ल्बी की रौशनी है
न हों ग़राबत-असर ये ऐ दिल नुक़ूश-ए-नैरंग-ए-शान-ए-फ़ितरत
कोई हुआ बे-नियाज़-ए-आलम कोई है मुफ़्लिस कोई ग़नी है
हुए न ईसार ओ बुज़्ल से ऐ करीम हम मुस्तफ़ीज़ अब तक
तुम्हारा शेवा जो है सख़ा का पसंद-ए-अख़्लाक़-ए-मोहसिनी है
फ़िराक़-ए-गुल से जो नाला-कश है क़फ़स में बुलबुल शहीद-ए-जल्वा
बहार-ए-गुलशन ख़िज़ाँ-नुमा है जुनूँ-ज़दा अब्र-ए-बहमनी है
मिला न जाम-ए-शराब 'साक़ी' कोई क़दह बंग का 'अता हो
हमारे पीर-ए-मुग़ाँ ख़िज़र हैं सुबू में सब्ज़ी भी तो छनी है
shahīd-e-armāñ paḌe haiñ bismil khaḌā vo talvār kā dhanī hai
idhar to ye qatl-e-'ām dekhā udhar vo kaisī kaTā-chhanī hai
huā hai nairang aaj kaisā ye dil meñ qātil ke kyā Thanī hai
jidhar se guzrā zabāñ se niklā ye kushtanī hai vo kushtanī hai
bigaḌ ke ham ko bigāḌ Daalā sañvārnā hī tumheñ na aayā
bano jo munsif batā.eñ dilbar ki is bigaḌne se kyā banī hai
kabhī hañsātī hai yaad terī kabhī rulātā hai hijr terā
ye qābil-e-dīd hai tamāshā ye sair-e-be-mehr dīdanī hai
sunā hai maqtal meñ aaj koī qatīl-e-hasrat shahīd hogā
huī jo shohrat ye shahr meñ hai har ik taraf ek sansanī hai
karam hai dariyā-diloñ kī zīnat kahāñ baḳhīloñ kī hai ye tīnat
use tavañgar nahīñ kaheñge jo koī mohtāj-e-dil ġhanī hai
shikast-e-paimāñ kā ham ko 'aadī kiyā hai ik mast-e-nosh-e-lab ne
ba-maslahat ham hue haiñ taa.ib ye tauba āḳhir shikastnī hai
dikhā ke ham ko jamāl-e-ra.anā kiyā hai kyuuñ rah-navard-e-vahshat
bane the ḳhud rahnumā hamāre ye rahbarī meñ bhī rahzanī hai
tarīq un kā hī sulh-e-kul hai jo be-hama bā-hama nazar haiñ
hameñ ye bartāv ne dikhāyā ki dostī meñ bhī dushmanī hai
vafā-shi'ārī hai jāñ-nisārī hai uzr-e-shikva na arz-e-matlab
hamīñ haiñ ik be-nazīr tālib harīf jo hai vo yak-fanī hai
vo aayā turbat pe bevafā gul har ik se afsurda ho ke pūchhā
ye kis kī mash.had pe hai charāġhāñ jo ibrat-añgez raushnī hai
fanā-e-qalbī hai fat.h-e-ainī huā hai gar mahv sharh-e-sadrī
yahī hai miftāh-e-dil-kushā.ī ye kashf-e-bātin kī jāñkanī hai
hue jo ye mubtalā-e-ulfat asiir dām-e-visāl ke haiñ
havā-e-zulf-e-ḳhayāl-e-jānāñ banī huī tauq-e-gardnī hai
ye kis qalandar ko maar Daalā ġhazab kiyā jāma-posh-e-naḳhvat
khaḌā huā ro rahā hai jazba girī huī pāk-dāmanī hai
kabhī na hoñge murīd-e-jiddat nahīñ haiñ mushtāq-e-husn-e-bid.at
hamārā mashrab hai sūfiyāna hamārā maz.hab sanātanī hai
kiyā hai ibrat-misāl kaisā ḳhayāl-e-ibrat-nazar ne ham ko
kareñ ta'alluq kisī se kyā ham jo shakl dekhī guzishtanī hai
sifāt meñ zaat hai numāyāñ huī vo bāliġh-nazar hai nisbat
kiyā hai mahv-e-jamāl-e-jānāñ ye sair-qalbī kī raushnī hai
na hoñ ġharābt-asar ye ai dil nuqūsh-e-nairañg-e-shān-e-fitrat
koī huā be-niyāz-e-ālam koī hai muflis koī ġhanī hai
hue na īsār o buzl se ai karīm ham mustafīz ab tak
tumhārā sheva jo hai saḳhā kā pasand-e-aḳhlāq-e-mohsinī hai
firāq-e-gul se jo nāla-kash hai qafas meñ bulbul shahīd-e-jalva
bahār-e-gulshan ḳhizāñ-numā hai junūñ-zada abr-e-bahmanī hai
milā na jām-e-sharāb 'sāqī' koī qadah bañg kā 'atā ho
hamāre pīr-e-muġhāñ ḳhizar haiñ subū meñ sabzī bhī to chhanī hai
شہید ارماں پڑے ہیں بسمل کھڑا وہ تلوار کا دھنی ہے
ادھر تو یہ قتل عام دیکھا ادھر وہ کیسی کٹا چھنی ہے
ہوا ہے نیرنگ آج کیسا یہ دل میں قاتل کے کیا ٹھنی ہے
جدھر سے گزرا زباں سے نکلا یہ کشتنی ہے وہ کشتنی ہے
بگڑ کے ہم کو بگاڑ ڈالا سنوارنا ہی تمہیں نہ آیا
بنو جو منصف بتائیں دل بر کہ اس بگڑنے سے کیا بنی ہے
کبھی ہنساتی ہے یاد تیری کبھی رلاتا ہے ہجر تیرا
یہ قابل دید ہے تماشا یہ سیر بے مہر دیدنی ہے
سنا ہے مقتل میں آج کوئی قتیل حسرت شہید ہوگا
ہوئی جو شہرت یہ شہر میں ہے ہر اک طرف ایک سنسنی ہے
کرم ہے دریا دلوں کی زینت کہاں بخیلوں کی ہے یہ طینت
اسے تونگر نہیں کہیں گے جو کوئی محتاج دل غنی ہے
شکست پیماں کا ہم کو عادی کیا ہے اک مست نوش لب نے
بہ مصلحت ہم ہوئے ہیں تائب یہ توبہ آخر شکستنی ہے
دکھا کے ہم کو جمال رعنا کیا ہے کیوں رہ نورد وحشت
بنے تھے خود رہنما ہمارے یہ رہبری میں بھی رہزنی ہے
طریق ان کا ہی صلح کل ہے جو بے ہمہ با ہمہ نظر ہیں
ہمیں یہ برتاؤ نے دکھایا کہ دوستی میں بھی دشمنی ہے
وفا شعاری ہے جاں نثاری ہے عذر شکوہ نہ عرض مطلب
ہمیں ہیں اک بے نظیر طالب حریف جو ہے وہ یک فنی ہے
وہ آیا تربت پہ بے وفا گل ہر اک سے افسردہ ہو کے پوچھا
یہ کس کی مشہد پہ ہے چراغاں جو عبرت انگیز روشنی ہے
فنائے قلبی ہے فتح عینی ہوا ہے گر محو شرح صدری
یہی ہے مفتاح دل کشائی یہ کشف باطن کی جانکنی ہے
ہوئے جو یہ مبتلائے الفت اسیر دام وصال کے ہیں
ہوائے زلف خیال جاناں بنی ہوئی طوق گردنی ہے
یہ کس قلندر کو مار ڈالا غضب کیا جامہ پوش نخوت
کھڑا ہوا رو رہا ہے جذبہ گری ہوئی پاک دامنی ہے
کبھی نہ ہوں گے مرید جدت نہیں ہیں مشتاق حسن بدعت
ہمارا مشرب ہے صوفیانہ ہمارا مذہب سناتنی ہے
کیا ہے عبرت مثال کیسا خیال عبرت نظر نے ہم کو
کریں تعلق کسی سے کیا ہم جو شکل دیکھی گزشتنی ہے
صفات میں ذات ہے نمایاں ہوئی وہ بالغ نظر ہے نسبت
کیا ہے محو جمال جاناں یہ سیر قلبی کی روشنی ہے
نہ ہوں غرابت اثر یہ اے دل نقوش نیرنگ شان فطرت
کوئی ہوا بے نیاز عالم کوئی ہے مفلس کوئی غنی ہے
ہوئے نہ ایثار و بذل سے اے کریم ہم مستفیض اب تک
تمہارا شیوہ جو ہے سخا کا پسند اخلاق محسنی ہے
فراق گل سے جو نالہ کش ہے قفس میں بلبل شہید جلوہ
بہار گلشن خزاں نما ہے جنوں زدہ ابر بہمنی ہے
ملا نہ جام شراب ساقیؔ کوئی قدح بنگ کا عطا ہو
ہمارے پیر مغاں خضر ہیں سبو میں سبزی بھی تو چھنی ہے