शबनम शबनम पलकें थीं और सुर्ख़ी थी रुख़्सारों पर
फूल समझ कर मैं ने अपने होंट रखे अंगारों पर
शहरों शहरों अम्न अमाँ का दर्स जो देते फिरते हैं
मा'सूमों के ख़ून के छींटे हैं उन की दस्तारों पर
ऐसा लगता है अब रोटी नील-गगन से उतरेगी
भूके बच्चे की नज़रें हैं रौशन चाँद-सितारों पर
उस ने अपनी जन्नत का इक ख़ाका है तय्यार किया
जिस ने दिल-कश नक़्श उतारे मस्जिद के मीनारों पर
जैसे तुम्हारे ख़्वाबों की है इन ही में ता'बीर लिखी
सुब्ह हुई और 'ताबिश' तुम तो टूट पड़े अख़बारों पर
shabnam shabnam palkeñ thiiñ aur surḳhī thī ruḳhsāroñ par
phuul samajh kar maiñ ne apne hoñT rakhe angāroñ par
shahroñ shahroñ amn amaañ kā dars jo dete phirte haiñ
mā'sūmoñ ke ḳhuun ke chhīñTe haiñ un kī dastāroñ par
aisā lagtā hai ab roTī nīl-gagan se utregī
bhūke bachche kī nazreñ haiñ raushan chāñd-sitāroñ par
us ne apnī jannat kā ik ḳhāka hai tayyār kiyā
jis ne dil-kash naqsh utāre masjid ke mīnāroñ par
jaise tumhāre ḳhvāboñ kī hai in hī meñ tā'bīr likhī
sub.h huī aur 'tābish' tum to TuuT paḌe aḳhbāroñ par
شبنم شبنم پلکیں تھیں اور سرخی تھی رخساروں پر
پھول سمجھ کر میں نے اپنے ہونٹ رکھے انگاروں پر
شہروں شہروں امن اماں کا درس جو دیتے پھرتے ہیں
معصوموں کے خون کے چھینٹے ہیں ان کی دستاروں پر
ایسا لگتا ہے اب روٹی نیل گگن سے اترے گی
بھوکے بچے کی نظریں ہیں روشن چاند ستاروں پر
اس نے اپنی جنت کا اک خاکہ ہے تیار کیا
جس نے دلکش نقش اتارے مسجد کے میناروں پر
جیسے تمہارے خوابوں کی ہے ان ہی میں تعبیر لکھی
صبح ہوئی اور تابشؔ تم تو ٹوٹ پڑے اخباروں پر