सर ही अब फोड़िए नदामत में
नींद आने लगी है फ़ुर्क़त में
हैं दलीलें तिरे ख़िलाफ़ मगर
सोचता हूँ तिरी हिमायत में
रूह ने इश्क़ का फ़रेब दिया
जिस्म को जिस्म की अदावत में
अब फ़क़त आदतों की वर्ज़िश है
रूह शामिल नहीं शिकायत में
इश्क़ को दरमियाँ न लाओ कि मैं
चीख़ता हूँ बदन की उसरत में
ये कुछ आसान तो नहीं है कि हम
रूठते अब भी हैं मुरव्वत में
वो जो ता'मीर होने वाली थी
लग गई आग उस इमारत में
ज़िंदगी किस तरह बसर होगी
दिल नहीं लग रहा मोहब्बत में
हासिल-ए-कुन है ये जहान-ए-ख़राब
यही मुमकिन था इतनी उजलत में
फिर बनाया ख़ुदा ने आदम को
अपनी सूरत पे ऐसी सूरत में
और फिर आदमी ने ग़ौर किया
छिपकिली की लतीफ़ सनअ'त में
ऐ ख़ुदा जो कहीं नहीं मौजूद
क्या लिखा है हमारी क़िस्मत में
sar hī ab phoḌiye nadāmat meñ
niiñd aane lagī hai furqat meñ
haiñ dalīleñ tire ḳhilāf magar
sochtā huuñ tirī himāyat meñ
ruuh ne ishq kā fareb diyā
jism ko jism kī adāvat meñ
ab faqat ādatoñ kī varzish hai
ruuh shāmil nahīñ shikāyat meñ
ishq ko darmiyāñ na laao ki maiñ
chīḳhtā huuñ badan kī usrat meñ
ye kuchh āsān to nahīñ hai ki ham
rūThte ab bhī haiñ muravvat meñ
vo jo ta.amīr hone vaalī thī
lag ga.ī aag us imārat meñ
zindagī kis tarah basar hogī
dil nahīñ lag rahā mohabbat meñ
hāsil-e-kun hai ye jahān-e-ḳharāb
yahī mumkin thā itnī ujlat meñ
phir banāyā ḳhudā ne aadam ko
apnī sūrat pe aisī sūrat meñ
aur phir aadmī ne ġhaur kiyā
chhipkilī kī latīf san.at meñ
ai ḳhudā jo kahīñ nahīñ maujūd
kyā likhā hai hamārī qismat meñ
سر ہی اب پھوڑیے ندامت میں
نیند آنے لگی ہے فرقت میں
ہیں دلیلیں ترے خلاف مگر
سوچتا ہوں تری حمایت میں
روح نے عشق کا فریب دیا
جسم کو جسم کی عداوت میں
اب فقط عادتوں کی ورزش ہے
روح شامل نہیں شکایت میں
عشق کو درمیاں نہ لاؤ کہ میں
چیختا ہوں بدن کی عسرت میں
یہ کچھ آسان تو نہیں ہے کہ ہم
روٹھتے اب بھی ہیں مروت میں
وہ جو تعمیر ہونے والی تھی
لگ گئی آگ اس عمارت میں
زندگی کس طرح بسر ہوگی
دل نہیں لگ رہا محبت میں
حاصل کن ہے یہ جہان خراب
یہی ممکن تھا اتنی عجلت میں
پھر بنایا خدا نے آدم کو
اپنی صورت پہ ایسی صورت میں
اور پھر آدمی نے غور کیا
چھپکلی کی لطیف صنعت میں
اے خدا جو کہیں نہیں موجود
کیا لکھا ہے ہماری قسمت میں