साक़िया किस को हवस है कि पियो और पिलाओ
अब वो दिल ही न रहा और उमंगें न वो चाव
रहने दे ज़िक्र ख़म-ए-ज़ुल्फ़-ए-मुसलसल को नदीम
उस के तो ध्यान से भी होता है दिल को उलझाओ
कूचा-ए-'इश्क़ में जाना न कभी भूल के तुम
है वहाँ आब-ए-दम-ए-तेग़ का हर जा छिड़काव
क्या ज़रूरत कि हसीनों के दहन की ख़ातिर
तुम कमर बाँध के मुल्क-ए-अदमिस्ताँ तक जाओ
क्यूँ मिटो नक़्श-ए-क़दम साँ किसी रफ़्तार पे तुम
बैठे बिठलाए ग़रज़ क्या है कि इक हश्र उठाओ
किस तरह कोई उन्हें राह पे लाए या-रब
और बरगश्ता हुए जाते हैं जितना समझाओ
ना-ख़ुदा बन के ख़ुदा पार कर इस का बेड़ा
बे-तरह फँस गई है हिन्द की मंजधार में नाव
ये नहीं है कि नहीं क़ाबिलियत कुछ उन में
हिम्मतें हारने का हो गया कुछ उन का सुभाव
ग़र्ब है मशरिक़-ए-ख़ुर्शेद-ए-उलूम-ओ-हिक्मत
अब ये लाज़िम है कि लौ अपनी उधर को ही लगाओ
जो क़दामत पे उड़े बैठे हैं वो हैं गुमराह
उन से बचना हैं ग़ज़ब उन के उतार और चढ़ाओ
एशिया के तो तुम्हें नाम से कहना ही नहीं
वही सूरत है उसे कितना ही उलटो पलटाओ
रस्म-ओ-मज़हब से न तुम ग़ैर बनो आपस में
हो चलत में कोई या ठाह में सम पर मल जाओ
बस करो रहने भी दो वाज़-ओ-नसीहत 'कैफ़ी'
नासेहों को तो यहाँ पड़ती हैं बाज़ार के भाव
sāqiyā kis ko havas hai ki piyo aur pilāo
ab vo dil hī na rahā aur umangeñ na vo chaav
rahne de zikr ḳham-e-zulf-e-musalsal ko nadīm
us ke to dhyān se bhī hotā hai dil ko uljhāo
kūcha-e-'ishq meñ jaanā na kabhī bhuul ke tum
hai vahāñ āb-e-dam-e-teġh kā har jā chhiḌkāv
kyā zarūrat ki hasīnoñ ke dahan kī ḳhātir
tum kamar bāñdh ke mulk-e-adamistāñ tak jaao
kyuuñ miTo naqsh-e-qadam saañ kisī raftār pe tum
baiThe biThlā.e ġharaz kyā hai ki ik hashr uThāo
kis tarah koī unheñ raah pe laa.e yā-rab
aur bargashta hue jaate haiñ jitnā samjhāo
nā-ḳhudā ban ke ḳhudā paar kar is kā beḌā
be-tarah phañs ga.ī hai hind kī mañjdhār meñ naav
ye nahīñ hai ki nahīñ qābiliyat kuchh un meñ
himmateñ hārne kā ho gayā kuchh un kā subhāv
ġharb hai mashriq-e-ḳhurshed-e-ulūm-o-hikmat
ab ye lāzim hai ki lau apnī udhar ko hī lagāo
jo qadāmat pe uḌe baiThe haiñ vo haiñ gumrāh
un se bachnā haiñ ġhazab un ke utaar aur chaḌhāo
asia ke to tumheñ naam se kahnā hī nahīñ
vahī sūrat hai use kitnā hī ulTo palTāo
rasm-o-maz.hab se na tum ġhair bano aapas meñ
ho chalat meñ koī yā Thaah meñ sam par mal jaao
bas karo rahne bhī do vāz-o-nasīhat 'kaifī'
nāsehoñ ko to yahāñ paḌtī haiñ bāzār ke bhaav
ساقیا کس کو ہوس ہے کہ پیو اور پلاؤ
اب وہ دل ہی نہ رہا اور امنگیں نہ وہ چاؤ
رہنے دے ذکر خم زلف مسلسل کو ندیم
اس کے تو دھیان سے بھی ہوتا ہے دل کو الجھاؤ
کوچۂ عشق میں جانا نہ کبھی بھول کے تم
ہے وہاں آب دم تیغ کا ہر جا چھڑکاؤ
کیا ضرورت کہ حسینوں کے دہن کی خاطر
تم کمر باندھ کے ملک عدمستاں تک جاؤ
کیوں مٹو نقش قدم ساں کسی رفتار پہ تم
بیٹھے بٹھلائے غرض کیا ہے کہ اک حشر اٹھاؤ
کس طرح کوئی انہیں راہ پہ لائے یا رب
اور برگشتہ ہوئے جاتے ہیں جتنا سمجھاؤ
نا خدا بن کے خدا پار کر اس کا بیڑا
بے طرح پھنس گئی ہے ہند کی منجدھار میں ناؤ
یہ نہیں ہے کہ نہیں قابلیت کچھ ان میں
ہمتیں ہارنے کا ہو گیا کچھ ان کا سبھاؤ
غرب ہے مشرق خورشید علوم و حکمت
اب یہ لازم ہے کہ لو اپنی ادھر کو ہی لگاؤ
جو قدامت پہ اڑے بیٹھے ہیں وہ ہیں گمراہ
ان سے بچنا ہیں غضب ان کے اتار اور چڑھاؤ
ایشیا کے تو تمہیں نام سے کہنا ہی نہیں
وہی صورت ہے اسے کتنا ہی الٹو پلٹاؤ
رسم و مذہب سے نہ تم غیر بنو آپس میں
ہو چلت میں کوئی یا ٹھاہ میں سم پر مل جاؤ
بس کرو رہنے بھی دو وعظ و نصیحت کیفیؔ
ناصحوں کو تو یہاں پڑتی ہیں بازار کے بھاؤ