क़िस्मत बुरे किसी के न इस तरह लाए दिन
आफ़त नई है रोज़ मुसीबत है आए दिन
दिन सन ये और दिन दिए अल्लाह की पनाह
उस माह ने तो ख़ूब ही हम से गिनाए दिन
है दम-शुमारी दिन को तो अख़्तर-शुमारी शब
इस तरह तो ख़ुदा न किसी के कटाए दिन
उन की नज़र फिरी हो तो क्या अपने दिन फिरें
अब्र-ए-सियह घिरा हो तो क्या मुँह दिखाए दिन
जी जानता है क्यूँकि ये कटते हैं रोज़ ओ शब
दुश्मन को भी ख़ुदा न कभी ये दिखाए दिन
क्या लुत्फ़-ए-ज़ीस्त भरते हैं दिन ज़िंदगी के हम
'कैफ़ी' बुरे किसी के न तक़दीर लाए दिन
qismat bure kisī ke na is tarah laa.e din
aafat na.ī hai roz musībat hai aa.e din
din san ye aur din diye allāh kī panāh
us maah ne to ḳhuub hī ham se ginā.e din
hai dam-shumārī din ko to aḳhtar-shumārī shab
is tarah to ḳhudā na kisī ke kaTā.e din
un kī nazar phirī ho to kyā apne din phireñ
abr-e-siyah ghirā ho to kyā muñh dikhā.e din
jī jāntā hai kyūñki ye kaTte haiñ roz o shab
dushman ko bhī ḳhudā na kabhī ye dikhā.e din
kyā lutf-e-zīst bharte haiñ din zindagī ke ham
'kaifī' bure kisī ke na taqdīr laa.e din
قسمت برے کسی کے نہ اس طرح لائے دن
آفت نئی ہے روز مصیبت ہے آئے دن
دن سن یہ اور دن دئیے اللہ کی پناہ
اس ماہ نے تو خوب ہی ہم سے گنائے دن
ہے دم شماری دن کو تو اختر شماری شب
اس طرح تو خدا نہ کسی کے کٹائے دن
ان کی نظر پھری ہو تو کیا اپنے دن پھریں
ابر سیہ گھرا ہو تو کیا منہ دکھائے دن
جی جانتا ہے کیونکہ یہ کٹتے ہیں روز و شب
دشمن کو بھی خدا نہ کبھی یہ دکھائے دن
کیا لطف زیست بھرتے ہیں دن زندگی کے ہم
کیفیؔ برے کسی کے نہ تقدیر لائے دن