क़ैस का तुझ में जुनूँ जज़्बा-ए-मंसूर नहीं
वर्ना मंज़िल-गह-ए-दिलदार तो कुछ दूर नहीं
कोह-ओ-वादी वही बिजली वही बे-होशी भी
जल्वा लेकिन वो दिल-अफ़रोज़ सर-ए-तूर नहीं
ढूँडने जाऊँ किसे जाऊँ तो मैं जाऊँ कहाँ
दिल के जो पास है वो आँख भी कुछ दूर नहीं
फेर में ज़ात-ओ-सिफ़त के न सरासीमा हो
नहीं मा'लूम कि जौहर से अरज़ दूर नहीं
नज़र आता नहीं तुझ को तो है आँखों का क़ुसूर
अक्स से शख़्स हक़ीक़त में ज़रा दूर नहीं
जल्वा-सामाँ है रह-ए-इश्क़ में ज़र्रा ज़र्रा
साहब-ए-ज़ौक़-ए-नज़र मुंतज़िर-ए-तूर नहीं
अम्र-ए-हक़ हर्फ़-ए-अज़ल है तो ये फ़तवे कैसे
वो नई बात नहीं मैं कोई मंसूर नहीं
झूट सच उस को है यकसाँ वो है अपनी धुन का
हक़-शनासी मिरे नक़्क़ाद का दस्तूर नहीं
किब्र ही से तो अज़ाज़ील है शैतान-ए-रजीम
आदमी है वही इंसान जो मग़रूर नहीं
क्या तमाशा है लिए जाते हैं तक़दीर का नाम
और तदबीर से इक लहज़ा भी मा'ज़ूर नहीं
नहीं तक़दीर की तहरीर से इंकार मगर
इस में तदबीर मुक़द्दर है जो मज़कूर नहीं
आप तक़दीर सुधर जाएगी तदबीर तो कर
कौन कहता है कि इंसान को मक़्दूर नहीं
तू अवारिज़ से अवारिज़ की है तुझ से पर्वाज़
तू जो मुतलक़ नहीं मुख़्तार तो मजबूर नहीं
ज़र्रे ज़र्रे को है इक फ़र्ज़ वदीअ'त हक़ से
न समझ तो कोई क़ैसर नहीं फ़ग़्फ़ूर नहीं
कारगाह-ए-अमल इस दहर को वो समझे हैं
गुल-ओ-बुलबुल के करिश्मों से जो मातूर नहीं
कल मैं मिल-जुल के रहे जुज़ का उसी में है वक़ार
फ़र्द नाचीज़ है गर शामिल-ए-जम्हूर नहीं
क्यूँ खिचे रहते हैं ये शैख़-ओ-बरहमन बाहम
दैर का'बा से जो हक़ पर हो नज़र दूर नहीं
अदब-ओ-शेर का आलिम है वो वहदत-ए-आईं
कि जहाँ काफ़िर-ओ-दीं-दार का मज़कूर नहीं
हद-ए-जुग़राफ़िया से शे'र की दुनिया है जुदा
दूर कीलास से दो गज़ भी यहाँ तूर नहीं
कैफ़ बाक़ी है वो इस में कि नहीं जिस को ख़ुमार
बादा-ए-शेर कोई बादा-ए-अंगूर नहीं
साक़ी-ए-मस्त-नज़र है ये फ़ुसूँ या ए'जाज़
सब को मदहोश किया आप तो मख़मूर नहीं
साग़र इक और भी दे पीर-ए-मुग़ाँ 'कैफ़ी' को
नश्शा-ए-बे-ख़ूदी-ए-इश्क़ में वो चूर नहीं
qais kā tujh meñ junūñ jazba-e-mansūr nahīñ
varna manzil-gah-e-dildār to kuchh duur nahīñ
koh-o-vādī vahī bijlī vahī be-hoshī bhī
jalva lekin vo dil-afroz sar-e-tūr nahīñ
DhūñDne jā.ūñ kise jā.ūñ to maiñ jā.ūñ kahāñ
dil ke jo paas hai vo aañkh bhī kuchh duur nahīñ
pher meñ zāt-o-sifat ke na sarāsīma ho
nahīñ ma.alūm ki jauhar se araz duur nahīñ
nazar aatā nahīñ tujh ko to hai āñkhoñ kā qusūr
aks se shaḳhs haqīqat meñ zarā duur nahīñ
jalva-sāmāñ hai rah-e-ishq meñ zarra zarra
sāhab-e-zauq-e-nazar muntazir-e-tūr nahīñ
amr-e-haq harf-e-azal hai to ye fatve kaise
vo na.ī baat nahīñ maiñ koī mansūr nahīñ
jhuuT sach us ko hai yaksāñ vo hai apnī dhun kā
haq-shanāsī mire naqqād kā dastūr nahīñ
kibr hī se to azāzīl hai shaitān-e-rajīm
aadmī hai vahī insān jo maġhrūr nahīñ
kyā tamāshā hai liye jaate haiñ taqdīr kā naam
aur tadbīr se ik lahza bhī ma.azūr nahīñ
nahīñ taqdīr kī tahrīr se inkār magar
is meñ tadbīr muqaddar hai jo mazkūr nahīñ
aap taqdīr sudhar jā.egī tadbīr to kar
kaun kahtā hai ki insān ko maqdūr nahīñ
tū avāriz se avāriz kī hai tujh se parvāz
tū jo mutlaq nahīñ muḳhtār to majbūr nahīñ
zarre zarre ko hai ik farz vadī.at haq se
na samajh to koī qaisar nahīñ faġhfūr nahīñ
kār-gāh-e-amal is dahr ko vo samjhe haiñ
gul-o-bulbul ke karishmoñ se jo mātūr nahīñ
kal maiñ mil-jul ke rahe juz kā usī meñ hai vaqār
fard nāchīz hai gar shāmil-e-jamhūr nahīñ
kyuuñ khiche rahte haiñ ye shaiḳh-o-barahman bāham
dair ka.aba se jo haq par ho nazar duur nahīñ
adab-o-sher kā aalim hai vo vahdat-e-ā.īñ
ki jahāñ kāfir-o-dīñ-dār kā mazkūr nahīñ
had-e-juġhrāfiya se sher kī duniyā hai judā
duur kīlās se do gaz bhī yahāñ tuur nahīñ
kaif baaqī hai vo is meñ ki nahīñ jis ko ḳhumār
bāda-e-sher koī bāda-e-a.agūr nahīñ
sāqī-e-mast-nazar hai ye fusūñ yā e.ajāz
sab ko mad.hosh kiyā aap to maḳhmūr nahīñ
sāġhar ik aur bhī de pīr-e-muġhāñ 'kaifī' ko
nashsha-e-be-ḳhudī-e-ishq meñ vo chuur nahīñ
قیس کا تجھ میں جنوں جذبۂ منصور نہیں
ورنہ منزل گہہ دل دار تو کچھ دور نہیں
کوہ و وادی وہی بجلی وہی بے ہوشی بھی
جلوہ لیکن وہ دل افروز سر طور نہیں
ڈھونڈنے جاؤں کسے جاؤں تو میں جاؤں کہاں
دل کے جو پاس ہے وہ آنکھ بھی کچھ دور نہیں
پھیر میں ذات و صفت کے نہ سراسیمہ ہو
نہیں معلوم کہ جوہر سے عرض دور نہیں
نظر آتا نہیں تجھ کو تو ہے آنکھوں کا قصور
عکس سے شخص حقیقت میں ذرا دور نہیں
جلوہ ساماں ہے رہ عشق میں ذرہ ذرہ
صاحب ذوق نظر منتظر طور نہیں
امر حق حرف ازل ہے تو یہ فتوے کیسے
وہ نئی بات نہیں میں کوئی منصور نہیں
جھوٹ سچ اس کو ہے یکساں وہ ہے اپنی دھن کا
حق شناسی مرے نقاد کا دستور نہیں
کبر ہی سے تو عزازیل ہے شیطان رجیم
آدمی ہے وہی انسان جو مغرور نہیں
کیا تماشا ہے لئے جاتے ہیں تقدیر کا نام
اور تدبیر سے اک لحظہ بھی معذور نہیں
نہیں تقدیر کی تحریر سے انکار مگر
اس میں تدبیر مقدر ہے جو مذکور نہیں
آپ تقدیر سدھر جائے گی تدبیر تو کر
کون کہتا ہے کہ انسان کو مقدور نہیں
تو عوارض سے عوارض کی ہے تجھ سے پرواز
تو جو مطلق نہیں مختار تو مجبور نہیں
ذرے ذرے کو ہے اک فرض ودیعت حق سے
نہ سمجھ تو کوئی قیصر نہیں فغفور نہیں
کار گاہ عمل اس دہر کو وہ سمجھے ہیں
گل و بلبل کے کرشموں سے جو ماتور نہیں
کل میں مل جل کے رہے جز کا اسی میں ہے وقار
فرد ناچیز ہے گر شامل جمہور نہیں
کیوں کھچے رہتے ہیں یہ شیخ و برہمن باہم
دیر کعبہ سے جو حق پر ہو نظر دور نہیں
ادب و شعر کا عالم ہے وہ وحدت آئیں
کہ جہاں کافر و دیں دار کا مذکور نہیں
حد جغرافیہ سے شعر کی دنیا ہے جدا
دور کیلاس سے دو گز بھی یہاں طور نہیں
کیف باقی ہے وہ اس میں کہ نہیں جس کو خمار
بادۂ شعر کوئی بادۂ انگور نہیں
ساقئ مست نظر ہے یہ فسوں یا اعجاز
سب کو مدہوش کیا آپ تو مخمور نہیں
ساغر اک اور بھی دے پیر مغاں کیفیؔ کو
نشۂ بیخودیٔ عشق میں وہ چور نہیں