पानी की तहरीर पढूँगा कैसे मैं
तेज़ हवा के साथ चलूँगा कैसे मैं
तितली को जब आग में फेंका जाएगा
उस मंज़र को देख सकूँगा कैसे मैं
सदियों से ज़िंदान-ए-बर्क़-ओ-बाद में हूँ
क़ुफ़्ल-ए-शाम-ओ-सहर तोडूँगा कैसे मैं
लफ़्ज़ कि जिन में मेरा ख़ून भी शामिल है
काग़ज़ पर वो लफ़्ज़ लिखूँगा कैसे मैं
मेरे सारे 'अक्स हैं जिस आईने मैं
रेज़ा रेज़ा उसे देखूँगा कैसे मैं
'ताब' अगर पत्थर हैं चश्म-ओ-गोश मिरे
सन्नाटे की चीख़ सुनूँगा कैसे मैं
paanī kī tahrīr paḌhūñgā kaise maiñ
tez havā ke saath chalūñgā kaise maiñ
titlī ko jab aag meñ pheñkā jā.egā
us manzar ko dekh sakūñgā kaise maiñ
sadiyoñ se zindān-e-barq-o-bād meñ huuñ
qufl-e-shām-o-sahar toḌūñgā kaise maiñ
lafz ki jin meñ merā ḳhuun bhī shāmil hai
kāġhaz par vo lafz likhūñgā kaise maiñ
mere saare 'aks haiñ jis ā.īne maiñ
reza reza use dekhūñgā kaise maiñ
'tāb' agar patthar haiñ chashm-o-gosh mire
sannāTe kī chīḳh sunūñgā kaise maiñ
پانی کی تحریر پڑھوں گا کیسے میں
تیز ہوا کے ساتھ چلوں گا کیسے میں
تتلی کو جب آگ میں پھینکا جائے گا
اس منظر کو دیکھ سکوں گا کیسے میں
صدیوں سے زندان برق و باد میں ہوں
قفل شام و سحر توڑوں گا کیسے میں
لفظ کہ جن میں میرا خون بھی شامل ہے
کاغذ پر وہ لفظ لکھوں گا کیسے میں
میرے سارے عکس ہیں جس آئینے میں
ریزہ ریزہ اسے دیکھوں گا کیسے میں
تابؔ اگر پتھر ہیں چشم و گوش مرے
سناٹے کی چیخ سنوں گا کیسے میں