नज़र जो आया उस पे ए'तिबार कर लिया गया
हक़ीक़तों के दर्क से फ़रार कर लिया गया
क़ुयूद-ए-आगही से जब सहम गईं जिबिल्लतें
नज़र के गिर्द रंग का हिसार कर लिया गया
शुहूद की जो सत्ह पे अनानियत का शोर उठा
तो दामन-ए-ख़ुदी को तार-तार कर लिया गया
गुमाँ हुआ कि रास्ता अभी मिरी नज़र में है
शरीर शुत्र-नफ़्स बे-महार कर लिया गया
जो लोग दिल की उलझनों में ग़र्क़ थे ख़मोश थे
उन्हें भी अहल-ए-जज़्ब में शुमार कर लिया गया
रह-ए-तलब की सख़्तियों के शिकवे लब-ब-लब हुए
सुरूर-ए-जिद्द-ओ-जहद को ख़ुमार कर लिया गया
चले कभी कभी उधर से 'अज़्मतों के क़ाफ़िले
वफ़ा का 'अज़्म जिन से पाएदार कर लिया गया
वो 'इश्क़ था कि बंदगी ज़रूरतें की आगही
बस एक रब्त था जो उस्तुवार कर लिया गया
वरक़ वरक़ रुमूज़-ए-आगही के थे लिखे हुए
कुतुब को बार-ए-पुश्त-बर-हिमार कर लिया गया
उसूल और फ़ुरूअ' सब 'शहाब' एक तरफ़ हुए
'अजब निज़ाम-ए-ज़ीस्त इख़्तियार कर लिया गया
nazar jo aayā us pe e'tibār kar liyā gayā
haqīqatoñ ke dark se farār kar liyā gayā
quyūd-e-āgahī se jab saham ga.iiñ jibillateñ
nazar ke gird rang kā hisār kar liyā gayā
shuhūd kī jo sat.h pe anāniyat kā shor uThā
to dāman-e-ḳhudī ko tār-tār kar liyā gayā
gumāñ huā ki rāsta abhī mirī nazar meñ hai
sharīr shutr-nafs be-mahār kar liyā gayā
jo log dil kī uljhanoñ meñ ġharq the ḳhamosh the
unheñ bhī ahl-e-jazb meñ shumār kar liyā gayā
rah-e-talab kī saḳhtiyoñ ke shikve lab-ba-lab hue
surūr-e-jidd-o-jahd ko ḳhumār kar liyā gayā
chale kabhī kabhī udhar se 'azmatoñ ke qāfile
vafā kā 'azm jin se pā.edār kar liyā gayā
vo 'ishq thā ki bandagī zarūrateñ kī āgahī
bas ek rabt thā jo ustuvār kar liyā gayā
varaq varaq rumūz-e-āgahī ke the likhe hue
kutub ko bār-e-pusht-bar-himār kar liyā gayā
usuul aur furūa sab 'shahāb' ek taraf hue
'ajab nizām-e-zīst iḳhtiyār kar liyā gayā
نظر جو آیا اس پہ اعتبار کر لیا گیا
حقیقتوں کے درک سے فرار کر لیا گیا
قیود آگہی سے جب سہم گئیں جبلتیں
نظر کے گرد رنگ کا حصار کر لیا گیا
شہود کی جو سطح پہ انانیت کا شور اٹھا
تو دامن خودی کو تار تار کر لیا گیا
گماں ہوا کہ راستہ ابھی مری نظر میں ہے
شریر شتر نفس بے مہار کر لیا گیا
جو لوگ دل کی الجھنوں میں غرق تھے خموش تھے
انہیں بھی اہل جذب میں شمار کر لیا گیا
رہ طلب کی سختیوں کے شکوے لب بہ لب ہوئے
سرور جد و جہد کو خمار کر لیا گیا
چلے کبھی کبھی ادھر سے عظمتوں کے قافلے
وفا کا عزم جن سے پائیدار کر لیا گیا
وہ عشق تھا کہ بندگی ضرورتیں کی آگہی
بس ایک ربط تھا جو استوار کر لیا گیا
ورق ورق رموز آگہی کے تھے لکھے ہوئے
کتب کو با رپشت بر حمار کر لیا گیا
اصول اور فروع سب شہابؔ ایک طرف ہوئے
عجب نظام زیست اختیار کر لیا گیا