नए ज़माने के नित-नए हादसात लिखना
उदास फूलों की ज़र्द पत्तों की बात लिखना
फ़लक दरीचों से झाँकते ख़ुशनुमा मनाज़िर
ज़मीं पे बे-ज़ारियों में लिपटी हयात लिखना
थकन का एहसास हो तो कर लेना याद उस को
अधूरे ख़्वाबों की सर-फिरी काएनात लिखना
सियाही किस ने बिखेर दी कोरे काग़ज़ों पर
कि उजले अल्फ़ाज़ खा गए कैसे मात लिखना
ये कौन उस की कहानियाँ फिर सुना रहा है
कहाँ से आई है ख़ुशबुओं की बरात लिखना
अँधेरे रस्ते में रौशनी की सदा से पहले
ये किस ने काँधे पे रख दिया अपना हात लिखना
उजाले फ़र्दा के ढूँढती हैं थकी निगाहें
ये किन हिसारों में क़ैद है अपनी ज़ात लिखना
भटक गई है चहार सम्तों में सोच क्यूँ कर
कि ज़ेहन-ओ-दिल पर लगा गया कौन घात लिखना
कलाम तेरा फ़सुर्दा चेहरों का आइना हो
तू अपने अशआर में हर इक दिल की बात लिखना
उसे ये ज़िद थी कि दिन को लिखूँ मैं रात 'अंजुम'
मुझे न मंज़ूर था कभी दिन को रात लिखना
na.e zamāne ke nit-na.e hādsāt likhnā
udaas phūloñ kī zard pattoñ kī baat likhnā
falak darīchoñ se jhāñkte ḳhushnumā manāzir
zamīñ pe be-zāriyoñ meñ lipTī hayāt likhnā
thakan kā ehsās ho to kar lenā yaad us ko
adhūre ḳhvāboñ kī sar-phirī kā.enāt likhnā
siyāhī kis ne bikher dī kore kāġhazoñ par
ki ujle alfāz khā ga.e kaise maat likhnā
ye kaun us kī kahāniyāñ phir sunā rahā hai
kahāñ se aa.ī hai ḳhushbuoñ kī barāt likhnā
añdhere raste meñ raushnī kī sadā se pahle
ye kis ne kāñdhe pe rakh diyā apnā haat likhnā
ujāle fardā ke DhūñDhtī haiñ thakī nigāheñ
ye kin hisāroñ meñ qaid hai apnī zaat likhnā
bhaTak ga.ī hai chahār samtoñ meñ soch kyuuñ kar
ki zehn-o-dil par lagā gayā kaun ghaat likhnā
kalām terā fasurda chehroñ kā aa.ina ho
tū apne ash.ār meñ har ik dil kī baat likhnā
use ye zid thī ki din ko likhūñ maiñ raat 'anjum'
mujhe na manzūr thā kabhī din ko raat likhnā
نئے زمانے کے نت نئے حادثات لکھنا
اداس پھولوں کی زرد پتوں کی بات لکھنا
فلک دریچوں سے جھانکتے خوش نما مناظر
زمیں پہ بے زاریوں میں لپٹی حیات لکھنا
تھکن کا احساس ہو تو کر لینا یاد اس کو
ادھورے خوابوں کی سر پھری کائنات لکھنا
سیاہی کس نے بکھیر دی کورے کاغذوں پر
کہ اجلے الفاظ کھا گئے کیسے مات لکھنا
یہ کون اس کی کہانیاں پھر سنا رہا ہے
کہاں سے آئی ہے خوشبوؤں کی برات لکھنا
اندھیرے رستے میں روشنی کی صدا سے پہلے
یہ کس نے کاندھے پہ رکھ دیا اپنا ہات لکھنا
اجالے فردا کے ڈھونڈھتی ہیں تھکی نگاہیں
یہ کن حصاروں میں قید ہے اپنی ذات لکھنا
بھٹک گئی ہے چہار سمتوں میں سوچ کیوں کر
کہ ذہن و دل پر لگا گیا کون گھات لکھنا
کلام تیرا فسردہ چہروں کا آئنہ ہو
تو اپنے اشعار میں ہر اک دل کی بات لکھنا
اسے یہ ضد تھی کہ دن کو لکھوں میں رات انجمؔ
مجھے نہ منظور تھا کبھی دن کو رات لکھنا