हो गए आँगन जुदा और रास्ते भी बट गए
क्या हुआ ये लोग क्यूँ इक दूसरे से कट गए
ग़म ने हर इक रास्ते में खोल रक्खा था महाज़
हम भी चेहरे पर हँसी का ख़ोल ले कर डट गए
नफ़रतों की धूप झुलसाने लगी हर शख़्स को
प्यार के उस शहर में सब पेड़ कैसे कट गए
डर की जब सारी हक़ीक़त मुन्कशिफ़ हम पर हुई
ख़ुद-बख़ुद डर के सभी साए अचानक हट गए
कौन जाने किस नशेमन पर गिरी हैं बिजलियाँ
किस तरफ़ टूटे हुए तारों के ये झुरमट गए
मो'तबर होने लगीं जब बज़्म में तारीकियाँ
ख़ामुशी की ओट में हम लोग पीछे हट गए
घर से ऐ 'अंजुम' ज़रा बाहर निकल कर देखना
लोग कहते हैं कि अब तारीक बादल छट गए
ho ga.e āñgan judā aur rāste bhī baT ga.e
kyā huā ye log kyuuñ ik dūsre se kaT ga.e
ġham ne har ik rāste meñ khol rakkhā thā mahāz
ham bhī chehre par hañsī kā ḳhol le kar DaT ga.e
nafratoñ kī dhuup jhulsāne lagī har shaḳhs ko
pyaar ke us shahr meñ sab peḌ kaise kaT ga.e
Dar kī jab saarī haqīqat munkashif ham par huī
ḳhud-baḳhud Dar ke sabhī saa.e achānak haT ga.e
kaun jaane kis nasheman par girī haiñ bijliyāñ
kis taraf TuuTe hue tāroñ ke ye jhurmaT ga.e
mo'atabar hone lagīñ jab bazm meñ tārīkiyāñ
ḳhāmushī kī oT meñ ham log pīchhe haT ga.e
ghar se ai 'anjum' zarā bāhar nikal kar dekhnā
log kahte haiñ ki ab tārīk bādal chhaT ga.e
ہو گئے آنگن جدا اور راستے بھی بٹ گئے
کیا ہوا یہ لوگ کیوں اک دوسرے سے کٹ گئے
غم نے ہر اک راستے میں کھول رکھا تھا محاذ
ہم بھی چہرے پر ہنسی کا خول لے کر ڈٹ گئے
نفرتوں کی دھوپ جھلسانے لگی ہر شخص کو
پیار کے اس شہر میں سب پیڑ کیسے کٹ گئے
ڈر کی جب ساری حقیقت منکشف ہم پر ہوئی
خود بخود ڈر کے سبھی سائے اچانک ہٹ گئے
کون جانے کس نشیمن پر گری ہیں بجلیاں
کس طرف ٹوٹے ہوئے تاروں کے یہ جھرمٹ گئے
معتبر ہونے لگیں جب بزم میں تاریکیاں
خامشی کی اوٹ میں ہم لوگ پیچھے ہٹ گئے
گھر سے اے انجمؔ ذرا باہر نکل کر دیکھنا
لوگ کہتے ہیں کہ اب تاریک بادل چھٹ گئے