न गुल से है ग़रज़ तेरे न है गुलज़ार से मतलब
रखा चश्म-ए-नज़र शबनम में अपने यार से मतलब
ये दिल दाम-ए-निगह में तर्क के बस जा ही अटका है
बर आवे किस तरह अल्लाह अब ख़ूँ-ख़्वार से मतलब
ब-जुज़ हक़ के नहीं है ग़ैर से हरगिज़ तवक़्क़ो कुछ
मगर दुनिया के लोगों में मुझे है प्यार से मतलब
न समझा हम को तू ने यार ऐसी जाँ-फ़िशानी पर
भला पावेंगे ऐ नादाँ किसी हुश्यार से मतलब
न 'चंदा' को तमअ जन्नत की ने ख़ौफ़-ए-जहन्नम है
रहे है दो-जहाँ में हैदर-ए-कर्रार से मतलब
na gul se hai ġharaz tere na hai gulzār se matlab
rakhā chashm-e-nazar shabnam meñ apne yaar se matlab
ye dil dām-e-nigah meñ tark ke bas jā hī aTkā hai
bar aave kis tarah allāh ab ḳhūñ-ḳhvār se matlab
ba-juz haq ke nahīñ hai ġhair se hargiz tavaqqo kuchh
magar duniyā ke logoñ meñ mujhe hai pyaar se matlab
na samjhā ham ko tū ne yaar aisī jāñ-fishānī par
bhalā pāveñge ai nādāñ kisī hushyār se matlab
na 'chandā' ko tama.a jannat kī ne ḳhauf-e-jahannam hai
rahe hai do-jahāñ meñ haidar-e-karrār se matlab
نہ گل سے ہے غرض تیرے نہ ہے گلزار سے مطلب
رکھا چشم نظر شبنم میں اپنے یار سے مطلب
یہ دل دام نگہ میں ترک کے بس جا ہی اٹکا ہے
بر آوے کس طرح اللہ اب خوں خوار سے مطلب
بجز حق کے نہیں ہے غیر سے ہرگز توقع کچھ
مگر دنیا کے لوگوں میں مجھے ہے پیار سے مطلب
نہ سمجھا ہم کو تو نے یار ایسی جاں فشانی پر
بھلا پاویں گے اے ناداں کسی ہشیار سے مطلب
نہ چنداؔ کو طمع جنت کی نے خوف جہنم ہے
رہے ہے دو جہاں میں حیدر کرار سے مطلب