मियान-संग-ओ-आईना दलील-ए-मो'तबर रख दी
नहीं दिल रख दिया अपना नहीं अपनी नज़र रख दी
अँधेरों ने शिकस्त-ए-फ़ाश दे दी है उजालों को
जबीन-ए-लौह पर ये वक़्त ने ऐसी ख़बर रख दी
मकान-ओ-ला-मकाँ इक लफ़्ज़-ए-कुन की कारसाज़ी हैं
इसी इक लफ़्ज़ ने गोया बिना-ए-ख़ैर-ओ-शर रख दी
जुनून-ए-शौक़ मेरा ले तो आया मुझ को मंज़िल तक
मगर तक़दीर ने दामन में कुछ गर्द-ए-सफ़र रख दी
सफ़र से लौट कर आया तो कुछ ऐसा लगा मुझ को
मिरे क़दमों के नीचे फिर किसी ने रह-गुज़र रख दी
मिरी वीरानियों को जिस के जलवों का सहारा था
हवाओं ने वो इक तस्वीर-ए-गुल भी फाड़ कर रख दी
ब-क़द्र-ए-होश ऐ 'क़ैसर' बस इतना याद है मुझ को
मिरी नज़रों ने कोई शय उठा कर ताक़ पर रख दी
miyān-e-sang-o-ā.īna dalīl-e-mo'tabar rakh dī
nahīñ dil rakh diyā apnā nahīñ apnī nazar rakh dī
añdheroñ ne shikast-e-fāsh de dī hai ujāloñ ko
jabīn-e-lauh par ye vaqt ne aisī ḳhabar rakh dī
makān-o-lā-makāñ ik lafz-e-kun kī kārsāzī haiñ
isī ik lafz ne goyā binā-e-ḳhair-o-shar rakh dī
junūn-e-shauq merā le to aayā mujh ko manzil tak
magar taqdīr ne dāman meñ kuchh gard-e-safar rakh dī
safar se lauT kar aayā to kuchh aisā lagā mujh ko
mire qadmoñ ke nīche phir kisī ne rah-guzar rakh dī
mirī vīrāniyoñ ko jis ke jalvoñ kā sahārā thā
havāoñ ne vo ik tasvīr-e-gul bhī phaaḌ kar rakh dī
ba-qadr-e-hosh ai 'qaisar' bas itnā yaad hai mujh ko
mirī nazroñ ne koī shai uThā kar taaq par rakh dī
میان سنگ و آئینہ دلیل معتبر رکھ دی
نہیں دل رکھ دیا اپنا نہیں اپنی نظر رکھ دی
اندھیروں نے شکست فاش دے دی ہے اجالوں کو
جبین لوح پر یہ وقت نے ایسی خبر رکھ دی
مکان و لا مکاں اک لفظ کن کی کارسازی ہیں
اسی اک لفظ نے گویا بنائے خیر و شر رکھ دی
جنون شوق میرا لے تو آیا مجھ کو منزل تک
مگر تقدیر نے دامن میں کچھ گرد سفر رکھ دی
سفر سے لوٹ کر آیا تو کچھ ایسا لگا مجھ کو
مرے قدموں کے نیچے پھر کسی نے رہگزر رکھ دی
مری ویرانیوں کو جس کے جلوؤں کا سہارا تھا
ہواؤں نے وہ اک تصویر گل بھی پھاڑ کر رکھ دی
بقدر ہوش اے قیصرؔ بس اتنا یاد ہے مجھ کو
مری نظروں نے کوئی شے اٹھا کر طاق پر رکھ دی