मिलन की साअ'त को इस तरह से अमर किया है
तुम्हारी यादों के साथ तन्हा सफ़र किया है
सुना है उस रुत को देख कर तुम भी रो पड़े थे
सुना है बारिश ने पत्थरों पर असर किया है
सलीब का बार भी उठाओ तमाम जीवन
ये लब-कुशाई का जुर्म तुम ने अगर किया है
तुम्हें ख़बर थी हक़ीक़तें तल्ख़ हैं जभी तो!
तुम्हारी आँखों ने ख़्वाब को मो'तबर किया है
घुटन बढ़ी है तो फिर उसी को सदाएँ दी हैं
कि जिस हवा ने हर इक शजर बे-समर किया है
है तेरे अंदर बसी हुई एक और दुनिया
मगर कभी तू ने इतना लम्बा सफ़र किया है
मिरे ही दम से तो रौनक़ें तेरे शहर में थीं
मिरे ही क़दमों ने दश्त को रह-गुज़र किया है
तुझे ख़बर क्या मिरे लबों की ख़मोशियों ने!
तिरे फ़साने को किस क़दर मुख़्तसर किया है
बहुत सी आँखों में तीरगी घर बना चुकी है
बहुत सी आँखों ने इंतिज़ार-ए-सहर किया है
milan kī saa.at ko is tarah se amar kiyā hai
tumhārī yādoñ ke saath tanhā safar kiyā hai
sunā hai us rut ko dekh kar tum bhī ro paḌe the
sunā hai bārish ne pattharoñ par asar kiyā hai
salīb kā baar bhī uThāo tamām jīvan
ye lab-kushā.ī kā jurm tum ne agar kiyā hai
tumheñ ḳhabar thī haqīqateñ talḳh haiñ jabhī to!
tumhārī āñkhoñ ne ḳhvāb ko mo'atabar kiyā hai
ghuTan baḌhī hai to phir usī ko sadā.eñ dī haiñ
ki jis havā ne har ik shajar be-samar kiyā hai
hai tere andar basī huī ek aur duniyā
magar kabhī tū ne itnā lambā safar kiyā hai
mire hī dam se to raunaqeñ tere shahr meñ thiiñ
mire hī qadmoñ ne dasht ko rah-guzar kiyā hai
tujhe ḳhabar kyā mire laboñ kī ḳhamoshiyoñ ne!
tire fasāne ko kis qadar muḳhtasar kiyā hai
bahut sī āñkhoñ meñ tīrgī ghar banā chukī hai
bahut sī āñkhoñ ne intizār-e-sahar kiyā hai
ملن کی ساعت کو اس طرح سے امر کیا ہے
تمہاری یادوں کے ساتھ تنہا سفر کیا ہے
سنا ہے اس رت کو دیکھ کر تم بھی رو پڑے تھے
سنا ہے بارش نے پتھروں پر اثر کیا ہے
صلیب کا بار بھی اٹھاؤ تمام جیون
یہ لب کشائی کا جرم تم نے اگر کیا ہے
تمہیں خبر تھی حقیقتیں تلخ ہیں جبھی تو!
تمہاری آنکھوں نے خواب کو معتبر کیا ہے
گھٹن بڑھی ہے تو پھر اسی کو صدائیں دی ہیں
کہ جس ہوا نے ہر اک شجر بے ثمر کیا ہے
ہے تیرے اندر بسی ہوئی ایک اور دنیا
مگر کبھی تو نے اتنا لمبا سفر کیا ہے
مرے ہی دم سے تو رونقیں تیرے شہر میں تھیں
مرے ہی قدموں نے دشت کو رہگزر کیا ہے
تجھے خبر کیا مرے لبوں کی خموشیوں نے!
ترے فسانے کو کس قدر مختصر کیا ہے
بہت سی آنکھوں میں تیرگی گھر بنا چکی ہے
بہت سی آنکھوں نے انتظار سحر کیا ہے