कितने ही पेड़ ख़ौफ़-ए-ख़िज़ाँ से उजड़ गए
कुछ बर्ग-ए-सब्ज़ वक़्त से पहले ही झड़ गए
कुछ आँधियाँ भी अपनी मुआविन सफ़र में थीं
थक कर पड़ाव डाला तो ख़ेमे उखड़ गए
अब के मिरी शिकस्त में उन का भी हाथ है
वो तीर जो कमान के पंजे में गड़ गए
सुलझी थीं गुत्थियाँ मिरी दानिस्त में मगर
हासिल ये है कि ज़ख़्मों के टाँके उखड़ गए
निरवान क्या बस अब तो अमाँ की तलाश है
तहज़ीब फैलने लगी जंगल सुकड़ गए
इस बंद घर में कैसे कहूँ क्या तिलिस्म है
खोले थे जितने क़ुफ़्ल वो होंटों पे पड़ गए
बे-सल्तनत हुई हैं कई ऊँची गर्दनें
बाहर सरों के दस्त-ए-तसल्लुत से धड़ गए
kitne hī peḌ ḳhauf-e-ḳhizāñ se ujaḌ ga.e
kuchh barg-e-sabz vaqt se pahle hī jhaḌ ga.e
kuchh āñdhiyāñ bhī apnī muāvin safar meñ thiiñ
thak kar paḌāv Daalā to ḳheme ukhaḌ ga.e
ab ke mirī shikast meñ un kā bhī haath hai
vo tiir jo kamān ke panje meñ gaḌ ga.e
suljhī thiiñ gutthiyāñ mirī dānist meñ magar
hāsil ye hai ki zaḳhmoñ ke Tāñke ukhaḌ ga.e
nirvān kyā bas ab to amaañ kī talāsh hai
tahzīb phailne lagī jañgal sukaḌ ga.e
is band ghar meñ kaise kahūñ kyā tilism hai
khole the jitne qufl vo hoñToñ pe paḌ ga.e
be-saltanat huī haiñ ka.ī ūñchī gardaneñ
bāhar saroñ ke dast-e-tasallut se dhaḌ ga.e
کتنے ہی پیڑ خوف خزاں سے اجڑ گئے
کچھ برگ سبز وقت سے پہلے ہی جھڑ گئے
کچھ آندھیاں بھی اپنی معاون سفر میں تھیں
تھک کر پڑاؤ ڈالا تو خیمے اکھڑ گئے
اب کے مری شکست میں ان کا بھی ہاتھ ہے
وہ تیر جو کمان کے پنجے میں گڑ گئے
سلجھی تھیں گتھیاں مری دانست میں مگر
حاصل یہ ہے کہ زخموں کے ٹانکے اکھڑ گئے
نروان کیا بس اب تو اماں کی تلاش ہے
تہذیب پھیلنے لگی جنگل سکڑ گئے
اس بند گھر میں کیسے کہوں کیا طلسم ہے
کھولے تھے جتنے قفل وہ ہونٹوں پہ پڑ گئے
بے سلطنت ہوئی ہیں کئی اونچی گردنیں
باہر سروں کے دست تسلط سے دھڑ گئے