मज़ाक़-ए-काविश-ए-पिन्हाँ अब इतना आम क्या होगा
ज़बाँ पर हम-सफ़ीरों की मिरा पैग़ाम क्या होगा
कहे देता है ख़ुद आग़ाज़ ही अंजाम क्या होगा
तिरी आतिश-बयानी से चराग़-ए-शाम क्या होगा
न घबरा बाग़बाँ बुलबुल की रस्मी नौहा-ख़्वानी से
भला इन चंद तिनकों का नशेमन नाम क्या होगा
फ़िदा-ए-कस्मपुर्सी हूँ निसार-ए-तल्ख़-कामी हूँ
मिरे अज़्म-ए-तलब का मुद्दआ' आराम क्या होगा
फ़रेब-अंदर-फ़रेब आतिश-दर-आतिश ऐ मआ'ज़-अल्लाह
ख़ुदा ना-कर्दा फ़स्ल-ए-गुल तिरा अंजाम क्या होगा
इरादत का भरम खुल जाएगा बैअ'त न ले साक़ी
गिरफ़्तार-ए-सलासिल हूँ तवाफ़-ए-जाम क्या होगा
ये क्यूँ समझाऊँ मैं 'याक़ूब' नोक-ए-नश्तर-ए-ग़म को
जो बाक़ी रह गया है ख़ून-ए-हफ़्त-अंदाम क्या होगा
mazāq-e-kāvish-e-pinhāñ ab itnā aam kyā hogā
zabāñ par ham-safīroñ kī mirā paiġhām kyā hogā
kahe detā hai ḳhud āġhāz hī anjām kyā hogā
tirī ātish-bayānī se charāġh-e-shām kyā hogā
na ghabrā bāġhbāñ bulbul kī rasmī nauha-ḳhvānī se
bhalā in chand tinkoñ kā nasheman naam kyā hogā
fidā-e-kasmpursī huuñ nisār-e-talḳh-kāmī huuñ
mire azm-e-talab kā mudda.ā ārām kyā hogā
fareb-andar-fareb ātish-dar-ātish ai ma.āz-allāh
ḳhudā nā-karda fasl-e-gul tirā anjām kyā hogā
irādat kā bharam khul jā.egā bai.at na le saaqī
giraftār-e-salāsil huuñ tavāf-e-jām kyā hogā
ye kyuuñ samjhā.ūñ maiñ 'yāqūb' nok-e-nashtar-e-ġham ko
jo baaqī rah gayā hai ḳhūn-e-haft-andām kyā hogā
مذاق کاوش پنہاں اب اتنا عام کیا ہوگا
زباں پر ہم صفیروں کی مرا پیغام کیا ہوگا
کہے دیتا ہے خود آغاز ہی انجام کیا ہوگا
تری آتش بیانی سے چراغ شام کیا ہوگا
نہ گھبرا باغباں بلبل کی رسمی نوحہ خوانی سے
بھلا ان چند تنکوں کا نشیمن نام کیا ہوگا
فدائے کسمپرسی ہوں نثار تلخ کامی ہوں
مرے عزم طلب کا مدعا آرام کیا ہوگا
فریب اندر فریب آتش در آتش اے معاذ اللہ
خدا ناکردہ فصل گل ترا انجام کیا ہوگا
ارادت کا بھرم کھل جائے گا بیعت نہ لے ساقی
گرفتار سلاسل ہوں طواف جام کیا ہوگا
یہ کیوں سمجھاؤں میں یعقوبؔ نوک نشتر غم کو
جو باقی رہ گیا ہے خون ہفت اندام کیا ہوگا