करम के इस दौर-ए-इम्तिहाँ से वो दौर-ए-मश्क़-ए-सितम ही अच्छा
न ज़िंदगी की ख़ुशी ही अच्छी न बे-सबाती का ग़म ही अच्छा
तलाश की सई-ए-राइगाँ पर नज़र तो आते हैं ग़र्क़-ए-हैरत
सुख़न-तराज़ी-ए-रहनुमा से सुकूत-ए-नक़्श-ए-क़दम ही अच्छा
ज़िया-ए-नूर-ए-यक़ीं है रहबर हयात की तीरा वादियों में
बुझा के देखें बुझाने वाले चराग़-ए-ताक़-ए-हरम ही अच्छा
तलब की अज़्मत तलब की ज़हमत तलब का हासिल तलब की लज़्ज़त
न ख़ौफ़-ए-सूद-ओ-ज़ियाँ ही अच्छा न ख़तरा-ए-बेश-ओ-कम ही अच्छा
मआल क्या होगा बाग़बानो सुकूँ-फ़रामोश इर्तिक़ा का
नज़र भी आने लगी चमन में बहार-ए-बाग़-ए-इरम ही अच्छा
मुझे उसी पर है नाज़ हमदम शिकस्ता साग़र ये है तो अपना
किसे सुनाता है ज़िक्र-ए-माज़ी बला से था जाम-ए-जम ही अच्छा
हवास 'याक़ूब' नुक्ता-चीं क्यूँ नज़र ही तो है ये अपनी अपनी
निगाह-ए-ज़ौक़-ए-बुलंद में है सर-ए-इताअ'त का ख़म ही अच्छा
karam ke is daur-e-imtihāñ se vo daur-e-mashq-e-sitam hī achchhā
na zindagī kī ḳhushī hī achchhī na be-sabātī kā ġham hī achchhā
talāsh kī sa.ī-e-rā.igāñ par nazar to aate haiñ ġharq-e-hairat
suḳhan-tarāzī-e-rahnumā se sukūt-e-naqsh-e-qadam hī achchhā
ziyā-e-nūr-e-yaqīñ hai rahbar hayāt kī tiira vādiyoñ meñ
bujhā ke dekheñ bujhāne vaale charāġh-e-tāq-e-haram hī achchhā
talab kī azmat talab kī zahmat talab kā hāsil talab kī lazzat
na ḳhauf-e-sūd-o-ziyāñ hī achchhā na ḳhatra-e-besh-o-kam hī achchhā
ma.aal kyā hogā bāġhbāno sukūñ-farāmosh irtiqā kā
nazar bhī aane lagī chaman meñ bahār-e-bāġh-e-iram hī achchhā
mujhe usī par hai naaz hamdam shikasta sāġhar ye hai to apnā
kise sunātā hai zikr-e-māzī balā se thā jām-e-jam hī achchhā
havās 'yāqūb' nukta-chīñ kyuuñ nazar hī to hai ye apnī apnī
nigāh-e-zauq-e-buland meñ hai sar-e-itā.at kā ḳham hī achchhā
کرم کے اس دور امتحاں سے وہ دور مشق ستم ہی اچھا
نہ زندگی کی خوشی ہی اچھی نہ بے ثباتی کا غم ہی اچھا
تلاش کی سعئ رائیگاں پر نظر تو آتے ہیں غرق حیرت
سخن طرازیٔ رہنما سے سکوت نقش قدم ہی اچھا
ضیائے نور یقیں ہے رہبر حیات کی تیرہ وادیوں میں
بجھا کے دیکھیں بجھانے والے چراغ طاق حرم ہی اچھا
طلب کی عظمت طلب کی زحمت طلب کا حاصل طلب کی لذت
نہ خوف سود و زیاں ہی اچھا نہ خطرۂ بیش و کم ہی اچھا
مآل کیا ہوگا باغبانو سکوں فراموش ارتقا کا
نظر بھی آنے لگی چمن میں بہار باغ ارم ہی اچھا
مجھے اسی پر ہے ناز ہمدم شکستہ ساغر یہ ہے تو اپنا
کسے سناتا ہے ذکر ماضی بلا سے تھا جام جم ہی اچھا
حواس یعقوبؔ نکتہ چیں کیوں نظر ہی تو ہے یہ اپنی اپنی
نگاہ ذوق بلند میں ہے سر اطاعت کا خم ہی اچھا