मौसम ख़ुशबू रंग धनक के मंज़र सारे उस के थे
रात की काली छाया मेरी चाँद सितारे उस के थे
बीच समुंदर बख़्त हमारा साहिल तक ये आता कब
मौज-ए-हवा पे नाम था उस का दूर किनारे उस के थे
सहमी सहमी गूँगी बहरी एक गुजरिया मेरी थी
हँसते गाते धूल उड़ाते राज-दुलारे उस के थे
इक छोटी सी छत की ख़ातिर क्या क्या ख़्वाब गँवा बैठी
भूल गई कि ईंटें उस की मिट्टी गारे उस के थे
ज़ंजीरों के बदले अब भी गहने पाती हूँ जैसे
सदियों से ये जब्र के बंधन बीच हमारे उस के थे
कितनी अजब तक़्सीम 'तबस्सुम' करती है ये दुनिया भी
मेरा हिस्सा ज़हर-ए-हलाहल अमृत धारे उस के थे
mausam ḳhushbū rang dhanak ke manzar saare us ke the
raat kī kaalī chhāyā merī chāñd sitāre us ke the
biich samundar baḳht hamārā sāhil tak ye aatā kab
mauj-e-havā pe naam thā us kā duur kināre us ke the
sahmī sahmī gūñgī bahrī ek gujaryā merī thī
hañste gaate dhuul uḌāte rāj-dulāre us ke the
ik chhoTī sī chhat kī ḳhātir kyā kyā ḳhvāb gañvā baiThī
bhuul ga.ī ki īñTeñ us kī miTTī gaare us ke the
zanjīroñ ke badle ab bhī gahne paatī huuñ jaise
sadiyoñ se ye jabr ke bandhan biich hamāre us ke the
kitnī ajab taqsīm 'tabassum' kartī hai ye duniyā bhī
merā hissa zahr-e-halāhal amrit dhāre us ke the
موسم خوشبو رنگ دھنک کے منظر سارے اس کے تھے
رات کی کالی چھایا میری چاند ستارے اس کے تھے
بیچ سمندر بخت ہمارا ساحل تک یہ آتا کب
موج ہوا پہ نام تھا اس کا دور کنارے اس کے تھے
سہمی سہمی گونگی بہری ایک گجریا میری تھی
ہنستے گاتے دھول اڑاتے راج دلارے اس کے تھے
اک چھوٹی سی چھت کی خاطر کیا کیا خواب گنوا بیٹھی
بھول گئی کہ اینٹیں اس کی مٹی گارے اس کے تھے
زنجیروں کے بدلے اب بھی گہنے پاتی ہوں جیسے
صدیوں سے یہ جبر کے بندھن بیچ ہمارے اس کے تھے
کتنی عجب تقسیم تبسمؔ کرتی ہے یہ دنیا بھی
میرا حصہ زہر ہلاہل امرت دھارے اس کے تھے