मरकज़ में था सो ध्यान में रक्खा गया मुझे
हर वक़्त इम्तिहान में रक्खा गया मुझे
इस के सिवा नहीं है मसीहा मिरा कोई
इक उम्र इस गुमान में रक्खा गया मुझे
अतराफ़ मेरे खींचा गया ख़ौफ़ का हिसार
डहते हुए मकान में रक्खा गया मुझे
मेरी ज़बाँ से क़ुव्वत-ए-गोयाई छीन कर
गूँगों की दास्तान में रक्खा गया मुझे
जौहर-शनास नज़रों से ओझल नहीं था मैं
क्यूँ कोएले की कान में रक्खा गया मुझे
पहरे बिठा दिए गए हर बात पर मिरी
दाँतों तले ज़बान में रक्खा गया मुझे
अच्छा मज़ाक़ है ये मिरी सादगी के साथ
फैशन-ज़दा दुकान में रक्खा गया मुझे
करना ही था सिपुर्द जो क़ातिल को एक दिन
इस दर्जा क्यों अमान में रक्खा गया मुझे
चारों तरफ़ से मुझ पे ज़मीं तंग की गई
कहने को आसमान में रक्खा गया मुझे
तलवार का सवाल यही जंग-जू से था
क्यूँ आज तक मियान में रक्खा गया मुझे
हरकत पे है जुमूद तो इज़हार पर सुकूत
'नायाब' किस जहान में रक्खा गया मुझे
markaz meñ thā so dhyān meñ rakkhā gayā mujhe
har vaqt imtihān meñ rakkhā gayā mujhe
is ke sivā nahīñ hai masīhā mirā koī
ik umr is gumān meñ rakkhā gayā mujhe
atrāf mere khīñchā gayā ḳhauf kā hisār
Dahte hue makān meñ rakkhā gayā mujhe
merī zabāñ se quvvat-e-goyā.ī chhīn kar
gūñgoñ kī dāstān meñ rakkhā gayā mujhe
jauhar-shanās nazroñ se ojhal nahīñ thā maiñ
kyuuñ ko.ele kī kaan meñ rakkhā gayā mujhe
pahre biThā diye ga.e har baat par mirī
dāñtoñ tale zabān meñ rakkhā gayā mujhe
achchhā mazāq hai ye mirī sādgī ke saath
fashion-zada dukān meñ rakkhā gayā mujhe
karnā hī thā sipurd jo qātil ko ek din
is darja kyoñ amaan meñ rakkhā gayā mujhe
chāroñ taraf se mujh pe zamīñ tañg kī ga.ī
kahne ko āsmān meñ rakkhā gayā mujhe
talvār kā savāl yahī jañg-jū se thā
kyuuñ aaj tak miyān meñ rakkhā gayā mujhe
harakat pe hai jumūd to iz.hār par sukūt
'nāyāb' kis jahān meñ rakkhā gayā mujhe
مرکز میں تھا سو دھیان میں رکھا گیا مجھے
ہر وقت امتحان میں رکھا گیا مجھے
اس کے سوا نہیں ہے مسیحا مرا کوئی
اک عمر اس گمان میں رکھا گیا مجھے
اطراف میرے کھینچا گیا خوف کا حصار
ڈہتے ہوئے مکان میں رکھا گیا مجھے
میری زباں سے قوت گویائی چھین کر
گونگوں کی داستان میں رکھا گیا مجھے
جوہر شناس نظروں سے اوجھل نہیں تھا میں
کیوں کوئلے کی کان میں رکھا گیا مجھے
پہرے بٹھا دیے گئے ہر بات پر مری
دانتوں تلے زبان میں رکھا گیا مجھے
اچھا مذاق ہے یہ مری سادگی کے ساتھ
فیشن زدہ دکان میں رکھا گیا مجھے
کرنا ہی تھا سپرد جو قاتل کو ایک دن
اس درجہ کیوں امان میں رکھا گیا مجھے
چاروں طرف سے مجھ پہ زمیں تنگ کی گئی
کہنے کو آسمان میں رکھا گیا مجھے
تلوار کا سوال یہی جنگجو سے تھا
کیوں آج تک میان میں رکھا گیا مجھے
حرکت پہ ہے جمود تو اظہار پر سکوت
نایابؔ کس جہان میں رکھا گیا مجھے