बाइ'स-ए-आसूदगी है हश्र-सामानी मुझे
रास आती है बड़ी मुश्किल से आसानी मुझे
देख कर तेरी इनायत और तिरा लुत्फ़-ओ-करम
खल रही है यार अपनी तंग-दामानी मुझे
कर रहा है ज़ेहन में गर्दिश कोई धुँदला सा अक्स
लग रही है उस की सूरत जानी पहचानी मुझे
सोचने का ज़ाविया मैं ने बदल डाला है दोस्त
अब परेशानी नहीं लगती परेशानी मुझे
सौंप दी उस ने मुझे अपने बदन की सल्तनत
मिल गई हो मुफ़्लिसी में जैसे सुल्तानी मुझे
लुक़्मा-ए-गिर्दाब होने ही को था मैं और फिर
दफ़अ'तन आई नज़र इक मौज-ए-इमकानी मुझे
आज फिर खुलने लगी है मुझ पे रम्ज़-ए-काएनात
आज फिर होने लगी है ख़ुद पे हैरानी मुझे
सोचता हूँ ऊला मिसरा जब कभी 'नायाब' मैं
ख़ुद को लिखवाता है बढ़ कर मिस्रा-ए-सानी मुझे
bā.is-e-āsūdgī hai hashr-sāmānī mujhe
raas aatī hai baḌī mushkil se āsānī mujhe
dekh kar terī ināyat aur tirā lutf-o-karam
khal rahī hai yaar apnī tañg-dāmānī mujhe
kar rahā hai zehn meñ gardish koī dhuñdlā sā aks
lag rahī hai us kī sūrat jaanī pahchānī mujhe
sochne kā zāviya maiñ ne badal Daalā hai dost
ab pareshānī nahīñ lagtī pareshānī mujhe
sauñp dī us ne mujhe apne badan kī saltanat
mil ga.ī ho muflisī meñ jaise sultānī mujhe
luqma-e-girdāb hone hī ko thā maiñ aur phir
daf.atan aa.ī nazar ik mauj-e-imkānī mujhe
aaj phir khulne lagī hai mujh pe ramz-e-kā.enāt
aaj phir hone lagī hai ḳhud pe hairānī mujhe
sochtā huuñ uulā misrā jab kabhī 'nāyāb' maiñ
ḳhud ko likhvātā hai baḌh kar misra-e-sānī mujhe
باعث آسودگی ہے حشر سامانی مجھے
راس آتی ہے بڑی مشکل سے آسانی مجھے
دیکھ کر تیری عنایت اور ترا لطف و کرم
کھل رہی ہے یار اپنی تنگ دامانی مجھے
کر رہا ہے ذہن میں گردش کوئی دھندلا سا عکس
لگ رہی ہے اس کی صورت جانی پہچانی مجھے
سوچنے کا زاویہ میں نے بدل ڈالا ہے دوست
اب پریشانی نہیں لگتی پریشانی مجھے
سونپ دی اس نے مجھے اپنے بدن کی سلطنت
مل گئی ہو مفلسی میں جیسے سلطانی مجھے
لقمۂ گرداب ہونے ہی کو تھا میں اور پھر
دفعتاً آئی نظر اک موج امکانی مجھے
آج پھر کھلنے لگی ہے مجھ پہ رمز کائنات
آج پھر ہونے لگی ہے خود پہ حیرانی مجھے
سوچتا ہوں اولی مصرع جب کبھی نایابؔ میں
خود کو لکھواتا ہے بڑھ کر مصرع ثانی مجھے