मैं रात सुस्त 'अनासिर से तंग आ गया था
मिरी हयात-ए-फ़सुर्दा में रंग आ गया था
नगाड़े पीटे हवाओं ने सुर्ख़ पहरों तक
गधों का झुण्ड कबूतर के संग आ गया था
सितार बजने लगे सुब्ह की मसहरी पर
धनक का क़ाफ़िला-ए-हफ़्त-रंग आ गया था
फ़लक पे रेंगते सूरज ज़मीन-बोस हुए
वो शहसवार-ए-शफ़क़ बहर-ए-जंग आ गया था
अँधेरे ग़ार में ये किलकिलाती खोपड़ियाँ
इन्ही के देखे र'ऊनत पे ज़ंग आ गया था
मिरे जहान-ए-बला सौत-ओ-हर्फ़ के द्वारे
न जाने कौन लिए जल-तरंग आ गया था
maiñ raat sust 'anāsir se tang aa gayā thā
mirī hayāt-e-fasurda meñ rang aa gayā thā
nagāḌe piiTe havāoñ ne surḳh pahroñ tak
gadhoñ kā jhunD kabūtar ke sang aa gayā thā
sitār bajne lage sub.h kī masahrī par
dhanak kā qāfila-e-haft-rañg aa gayā thā
falak pe reñgte sūraj zamīn-bos hue
vo shahsavār-e-shafaq bahr-e-jañg aa gayā thā
añdhere ġhaar meñ ye kilkilātī khopḌiyāñ
inhī ke dekhe ra'ūnat pe zang aa gayā thā
mire jahān-e-balā saut-o-harf ke dvāre
na jaane kaun liye jal-tarang aa gayā thā
میں رات سست عناصر سے تنگ آ گیا تھا
مری حیات فسردہ میں رنگ آ گیا تھا
نگاڑے پیٹے ہواؤں نے سرخ پہروں تک
گدھوں کا جھنڈ کبوتر کے سنگ آ گیا تھا
ستار بجنے لگے صبح کی مسہری پر
دھنک کا قافلۂ ہفت رنگ آ گیا تھا
فلک پہ رینگتے سورج زمین بوس ہوئے
وہ شہسوار شفق بہر جنگ آ گیا تھا
اندھیرے غار میں یہ کلکلاتی کھوپڑیاں
انہی کے دیکھے رعونت پہ زنگ آ گیا تھا
مرے جہان بلا صوت و حرف کے دوارے
نہ جانے کون لئے جل ترنگ آ گیا تھا