मैं जिस्म ओ जाँ के खेल में बेबाक हो गया
किस ने ये छू दिया है कि मैं चाक हो गया
किस ने कहा वजूद मिरा ख़ाक हो गया
मेरा लहू तो आप की पोशाक हो गया
बे-सर के फिर रहे हैं ज़माना-शनास लोग
ज़िंदा-नफ़स को अहद का इदराक हो गया
कब तक लहू की आग में जलते रहेंगे लोग
कब तक जियेगा वो जो ग़ज़बनाक हो गया
ज़िंदा कोई कहाँ था कि सदक़ा उतारता
आख़िर तमाम शहर ही ख़ाशाक हो गया
लहजे की आँच रूप की शबनम भी पी गई
'अजमल' गुलों की छाँव में नमनाक हो गया
maiñ jism o jaañ ke khel meñ bebāk ho gayā
kis ne ye chhū diyā hai ki maiñ chaak ho gayā
kis ne kahā vajūd mirā ḳhaak ho gayā
merā lahū to aap kī poshāk ho gayā
be-sar ke phir rahe haiñ zamāna-shanās log
zinda-nafas ko ahd kā idrāk ho gayā
kab tak lahū kī aag meñ jalte raheñge log
kab tak jiyegā vo jo ġhazabnāk ho gayā
zinda koī kahāñ thā ki sadqa utārtā
āḳhir tamām shahr hī ḳhāshāk ho gayā
lahje kī aañch ruup kī shabnam bhī pī ga.ī
'ajmal' guloñ kī chhāñv meñ namnāk ho gayā
میں جسم و جاں کے کھیل میں بیباک ہو گیا
کس نے یہ چھو دیا ہے کہ میں چاک ہو گیا
کس نے کہا وجود مرا خاک ہو گیا
میرا لہو تو آپ کی پوشاک ہو گیا
بے سر کے پھر رہے ہیں زمانہ شناس لوگ
زندہ نفس کو عہد کا ادراک ہو گیا
کب تک لہو کی آگ میں جلتے رہیں گے لوگ
کب تک جئے گا وہ جو غضب ناک ہو گیا
زندہ کوئی کہاں تھا کہ صدقہ اتارتا
آخر تمام شہر ہی خاشاک ہو گیا
لہجے کی آنچ روپ کی شبنم بھی پی گئی
اجملؔ گلوں کی چھاؤں میں نمناک ہو گیا