हवा की ज़द पे चराग़-ए-शब-ए-फ़साना था
मगर हमें भी उसी से दिया जलाना था
हमें भी याद न आई बहार-ए-इश्वा-तराज़
उसे भी हिज्र का मौसम बहुत सुहाना था
सफ़र अज़ाब सही दश्त-ए-गुमरही का मगर
कटी तनाब तो ख़ेमा उजड़ ही जाना था
हमीं ने रक़्स किया नग़्मा-ए-फ़ना पर भी
हमें ही पलकों पे हिजरत का बार उठाना था
उसी की गूँज है तार-ए-नफ़स में अब के मियाँ
सदा-ए-हू को भी वर्ना किसे जगाना था
हम ऐसे ख़ाक-नशीनों का ज़िक्र क्या कि हमें
लहू का क़र्ज़ तो हर हाल में चुकाना था
वो मेरे ख़्वाब चुरा कर भी ख़ुश नहीं 'अजमल'
वो एक ख़्वाब लहू में जो फैल जाना था
havā kī zad pe charāġh-e-shab-e-fasāna thā
magar hameñ bhī usī se diyā jalānā thā
hameñ bhī yaad na aa.ī bahār-e-ishva-tarāz
use bhī hijr kā mausam bahut suhānā thā
safar azaab sahī dasht-e-gumrahī kā magar
kaTī tanāb to ḳhema ujaḌ hī jaanā thā
hamīñ ne raqs kiyā naġhma-e-fanā par bhī
hameñ hī palkoñ pe hijrat kā baar uThānā thā
usī kī guuñj hai tār-e-nafas meñ ab ke miyāñ
sadā-e-hū ko bhī varna kise jagānā thā
ham aise ḳhāk-nashīnoñ kā zikr kyā ki hameñ
lahū kā qarz to har haal meñ chukānā thā
vo mere ḳhvāb churā kar bhī ḳhush nahīñ 'ajmal'
vo ek ḳhvāb lahū meñ jo phail jaanā thā
ہوا کی زد پہ چراغ شب فسانہ تھا
مگر ہمیں بھی اسی سے دیا جلانا تھا
ہمیں بھی یاد نہ آئی بہار عشوہ طراز
اسے بھی ہجر کا موسم بہت سہانا تھا
سفر عذاب سہی دشت گمرہی کا مگر
کٹی طناب تو خیمہ اجڑ ہی جانا تھا
ہمیں نے رقص کیا نغمۂ فنا پر بھی
ہمیں ہی پلکوں پہ ہجرت کا بار اٹھانا تھا
اسی کی گونج ہے تار نفس میں اب کے میاں
صدائے ہو کو بھی ورنہ کسے جگانا تھا
ہم ایسے خاک نشینوں کا ذکر کیا کہ ہمیں
لہو کا قرض تو ہر حال میں چکانا تھا
وہ میرے خواب چرا کر بھی خوش نہیں اجملؔ
وہ ایک خواب لہو میں جو پھیل جانا تھا