मैं दरिया हूँ मगर दोनों तरफ़ साहिल है तन्हाई
तलातुम-ख़ेज़ मौजों में मिरी शामिल है तन्हाई
मोहब्बत हो तो तन्हाई में भी इक कैफ़ होता है
तमन्नाओं की नग़्मा-आफ़रीं महफ़िल है तन्हाई
बहुत दिन वक़्त की हंगामा-आराई में गुज़रे हैं
इन्हें गुज़रे हुए अय्याम का हासिल है तन्हाई
हुजूम-ए-ज़ीस्त से दूरी ने ये माहौल बख़्शा है
अकेली मैं मिरा कमरा है और क़ातिल है तन्हाई
मिरे हर काम की मुझ को वही तहरीक देती है
अगरचे देखने में किस क़दर मुश्किल है तन्हाई
उसी ने तो तख़य्युल को मिरे परवाज़ बख़्शी है
ख़ुदा का शुक्र है जो अब किसी क़ाबिल है तन्हाई
मोहब्बत की शुआ'ओं से तवानाई जो मिलती है
इसी रंगीनी-ए-मफ़हूम में दाख़िल है तन्हाई
ख़ुदा हसरत-ज़दा दिल की तमन्नाओं से वाक़िफ़ है
दुआएँ रोज़-ओ-शब करती हुई साइल है तन्हाई
किसी की याद है दिल में अभी तक अंजुमन-आरा
'सबीला' कौन समझेगा कि मेरा दिल है तन्हाई
maiñ dariyā huuñ magar donoñ taraf sāhil hai tanhā.ī
talātum-ḳhez maujoñ meñ mirī shāmil hai tanhā.ī
mohabbat ho to tanhā.ī meñ bhī ik kaif hotā hai
tamannāoñ kī naġhma-āfrīñ mahfil hai tanhā.ī
bahut din vaqt kī hañgāma-ārā.ī meñ guzre haiñ
inheñ guzre hue ayyām kā hāsil hai tanhā.ī
hujūm-e-zīst se duurī ne ye māhaul baḳhshā hai
akelī maiñ mirā kamrā hai aur qātil hai tanhā.ī
mire har kaam kī mujh ko vahī tahrīk detī hai
agarche dekhne meñ kis qadar mushkil hai tanhā.ī
usī ne to taḳhayyul ko mire parvāz baḳhshī hai
ḳhudā kā shukr hai jo ab kisī qābil hai tanhā.ī
mohabbat kī shuāoñ se tavānā.ī jo miltī hai
isī rañgīnī-e-mafhūm meñ dāḳhil hai tanhā.ī
ḳhudā hasrat-zada dil kī tamannāoñ se vāqif hai
duā.eñ roz-o-shab kartī huī saa.il hai tanhā.ī
kisī kī yaad hai dil meñ abhī tak anjuman-ārā
'sabīla' kaun samjhegā ki merā dil hai tanhā.ī
میں دریا ہوں مگر دونوں طرف ساحل ہے تنہائی
تلاطم خیز موجوں میں مری شامل ہے تنہائی
محبت ہو تو تنہائی میں بھی اک کیف ہوتا ہے
تمناؤں کی نغمہ آفریں محفل ہے تنہائی
بہت دن وقت کی ہنگامہ آرائی میں گزرے ہیں
انہیں گزرے ہوئے ایام کا حاصل ہے تنہائی
ہجوم زیست سے دوری نے یہ ماحول بخشا ہے
اکیلی میں مرا کمرا ہے اور قاتل ہے تنہائی
مرے ہر کام کی مجھ کو وہی تحریک دیتی ہے
اگرچہ دیکھنے میں کس قدر مشکل ہے تنہائی
اسی نے تو تخیل کو مرے پرواز بخشی ہے
خدا کا شکر ہے جو اب کسی قابل ہے تنہائی
محبت کی شعاعوں سے توانائی جو ملتی ہے
اسی رنگینیٔ مفہوم میں داخل ہے تنہائی
خدا حسرت زدہ دل کی تمناؤں سے واقف ہے
دعائیں روز و شب کرتی ہوئی سائل ہے تنہائی
کسی کی یاد ہے دل میں ابھی تک انجمن آرا
سبیلہؔ کون سمجھے گا کہ میرا دل ہے تنہائی