मायूसी में दिल बेचारा सदियों से
ढूँड रहा है एक सहारा सदियों से
एक ही बात अबस दोहराए जाता है
तन में चलता साँस का आरा सदियों से
'हीर' अगरचे मैं ने अपनी पाली है
ढूँड रहा हूँ तख़्त हज़ारा सदियों से
तुम से कैसे सिमटेगा ये लम्हों में
दिल अपना है पारा-पारा सदियों से
किस एलान को गूँज रहा है नस-नस में
धड़कन धड़कन इक नक़्क़ारा सदियों से
कू-ए-मंज़िल-ए-इश्क़ में कोई काम मिले
दिल आवारा है नाकारा सदियों से
दिल पर क्या हम ने तो जानाँ जान पे भी
लिख रक्खा है नाम तुम्हारा सदियों से
उस ने दिल के दर्द से पूछा कब से हो
दिल से उठ के दर्द पुकारा सदियों से
ख़ुश्क पड़ा है आँख के पर्दे पर 'ताहिर'
बहर-ए-दर्द का एक किनारा सदियों से
māyūsī meñ dil bechāra sadiyoñ se
DhūñD rahā hai ek sahārā sadiyoñ se
ek hī baat abas dohrā.e jaatā hai
tan meñ chaltā saañs kā aarā sadiyoñ se
'hīr' agarche maiñ ne apnī paalī hai
DhūñD rahā huuñ taḳht hazārā sadiyoñ se
tum se kaise simTegā ye lamhoñ meñ
dil apnā hai pāra-pāra sadiyoñ se
kis elaan ko guuñj rahā hai nas-nas meñ
dhaḌkan dhaḌkan ik naqqārā sadiyoñ se
kū-e-manzil-e-ishq meñ koī kaam mile
dil āvāra hai nākārā sadiyoñ se
dil par kyā ham ne to jānāñ jaan pe bhī
likh rakkhā hai naam tumhārā sadiyoñ se
us ne dil ke dard se pūchhā kab se ho
dil se uTh ke dard pukārā sadiyoñ se
ḳhushk paḌā hai aañkh ke parde par 'tāhir'
bahr-e-dard kā ek kinārā sadiyoñ se
مایوسی میں دل بیچارہ صدیوں سے
ڈھونڈ رہا ہے ایک سہارا صدیوں سے
ایک ہی بات عبث دہرائے جاتا ہے
تن میں چلتا سانس کا آرا صدیوں سے
ہیرؔ اگرچہ میں نے اپنی پالی ہے
ڈھونڈ رہا ہوں تخت ہزارا صدیوں سے
تم سے کیسے سمٹے گا یہ لمحوں میں
دل اپنا ہے پارہ پارہ صدیوں سے
کس اعلان کو گونج رہا ہے نس نس میں
دھڑکن دھڑکن اک نقارا صدیوں سے
کوئے منزل عشق میں کوئی کام ملے
دل آوارہ ہے ناکارا صدیوں سے
دل پر کیا ہم نے تو جاناں جان پہ بھی
لکھ رکھا ہے نام تمہارا صدیوں سے
اس نے دل کے درد سے پوچھا کب سے ہو
دل سے اٹھ کے درد پکارا صدیوں سے
خشک پڑا ہے آنکھ کے پردے پر طاہرؔ
بحر درد کا ایک کنارا صدیوں سے