ले के हाथों में मोहब्बत के गुहर आए हैं
इक नज़र देख तिरे ख़ाक-बसर आए हैं
इक अजब धड़का दिल-ओ-जाँ को लगा रहता है
जब भी परदेस से हम लौट के घर आए हैं
जिस तरफ़ भी मैं गया मैं ने जिधर भी देखा
ज़ख़्म की तरह मुझे लोग नज़र आए हैं
नोक-ए-नेज़ा की तरफ़ एक नज़र देख ज़रा
किस बुलंदी पे वो उश्शाक़ के सर आए हैं
मोम हो जाए वो पत्थर की तरह सख़्त बदन
अपने नालों में कहाँ इतने असर आए हैं
सर-फिरी आँधी गिराने उसे आ पहुँची है
आस के पेड़ पे जिस दम से समर आए हैं
जब से उतरा है सफ़ीना मिरा साहिल पे 'नबील'
मौज-दर-मौज किनारे पे भँवर आए हैं
le ke hāthoñ meñ mohabbat ke guhar aa.e haiñ
ik nazar dekh tire ḳhāk-basar aa.e haiñ
ik ajab dhaḌkā dil-o-jāñ ko lagā rahtā hai
jab bhī pardes se ham lauT ke ghar aa.e haiñ
jis taraf bhī maiñ gayā maiñ ne jidhar bhī dekhā
zaḳhm kī tarah mujhe log nazar aa.e haiñ
nok-e-neza kī taraf ek nazar dekh zarā
kis bulandī pe vo ushshāq ke sar aa.e haiñ
mom ho jaa.e vo patthar kī tarah saḳht badan
apne nāloñ meñ kahāñ itne asar aa.e haiñ
sar-phirī āñdhī girāne use aa pahuñchī hai
aas ke peḌ pe jis dam se samar aa.e haiñ
jab se utrā hai safīna mirā sāhil pe 'nabīl'
mauj-dar-mauj kināre pe bhañvar aa.e haiñ
لے کے ہاتھوں میں محبت کے گہر آئے ہیں
اک نظر دیکھ ترے خاک بسر آئے ہیں
اک عجب دھڑکا دل و جاں کو لگا رہتا ہے
جب بھی پردیس سے ہم لوٹ کے گھر آئے ہیں
جس طرف بھی میں گیا میں نے جدھر بھی دیکھا
زخم کی طرح مجھے لوگ نظر آئے ہیں
نوک نیزہ کی طرف ایک نظر دیکھ ذرا
کس بلندی پہ وہ عشاق کے سر آئے ہیں
موم ہو جائے وہ پتھر کی طرح سخت بدن
اپنے نالوں میں کہاں اتنے اثر آئے ہیں
سر پھری آندھی گرانے اسے آ پہنچی ہے
آس کے پیڑ پہ جس دم سے ثمر آئے ہیں
جب سے اترا ہے سفینہ مرا ساحل پہ نبیلؔ
موج در موج کنارے پہ بھنور آئے ہیں