लहूलुहान हैं हम और जाँ-बलब भी नहीं
सितम-शि’आरों को एहसास इस का अब भी नहीं
जब इख़्तियार सपेद-ओ-स्याह का था हमें
हमारे घर में फ़रोज़ाँ थी शम' तब भी नहीं
लुटा दी जिस के लिए सब मता’-ए-क़ल्ब-ओ-जिगर
उसी को मेरी वफ़ा का यक़ीन अब भी नहीं
सुनेगा कौन वहाँ दास्तान-ए-ग़म मेरी
मैं उस की बज़्म में इक हर्फ़-ए-ज़ेर-ए-लब भी नहीं
बसर जो होती तिरे गेसुओं के साए में
मिरे नसीब में ऐसी तो एक शब भी नहीं
उन्हें तो आप न ठहराएँ मूरिद-ए-इल्ज़ाम
सितम-नसीब हैं लेकिन वो बे-अदब भी नहीं
निगाह फेर ले दुनिया जो मेरी जानिब से
मैं ऐसा दोस्तो बे-नाम बे-नसब भी नहीं
करम-नवाज़ियाँ उन की भी हैं 'अजब 'दानिश'
कि आँख नम भी नहीं शिकवा-संज लब भी नहीं
lahūluhān haiñ ham aur jāñ-balab bhī nahīñ
sitam-shi’āroñ ko ehsās is kā ab bhī nahīñ
jab iḳhtiyār saped-o-siyāh kā thā hameñ
hamāre ghar meñ farozāñ thī sham' tab bhī nahīñ
luTā dī jis ke liye sab matā’-e-qalb-o-jigar
usī ko merī vafā kā yaqīn ab bhī nahīñ
sunegā kaun vahāñ dāstān-e-ġham merī
maiñ us kī bazm meñ ik harf-e-zer-e-lab bhī nahīñ
basar jo hotī tire gesuoñ ke saa.e meñ
mire nasīb meñ aisī to ek shab bhī nahīñ
unheñ to aap na Thahrā.eñ mūrid-e-ilzām
sitam-nasīb haiñ lekin vo be-adab bhī nahīñ
nigāh pher le duniyā jo merī jānib se
maiñ aisā dosto be-nām be-nasab bhī nahīñ
karam-navāziyāñ un kī bhī haiñ 'ajab 'dānish'
ki aañkh nam bhī nahīñ shikva-sanj lab bhī nahīñ
لہولہان ہیں ہم اور جاں بلب بھی نہیں
ستم شعاروں کو احساس اس کا اب بھی نہیں
جب اختیار سپید و سیاہ کا تھا ہمیں
ہمارے گھر میں فروزاں تھی شمع تب بھی نہیں
لٹا دی جس کے لئے سب متاع قلب و جگر
اسی کو میری وفا کا یقین اب بھی نہیں
سنے گا کون وہاں داستان غم میری
میں اس کی بزم میں اک حرف زیر لب بھی نہیں
بسر جو ہوتی ترے گیسوؤں کے سائے میں
مرے نصیب میں ایسی تو ایک شب بھی نہیں
انہیں تو آپ نہ ٹھہرائیں مورد الزام
ستم نصیب ہیں لیکن وہ بے ادب بھی نہیں
نگاہ پھیر لے دنیا جو میری جانب سے
میں ایسا دوستو بے نام بے نصب بھی نہیں
کرم نوازیاں ان کی بھی ہیں عجب دانشؔ
کہ آنکھ نم بھی نہیں شکوہ سنج لب بھی نہیں