लब-ए-साग़र से सुन लो ज़ाहिदो तक़रीर-ए-मय-ख़ाना
शिकस्त-ए-तौबा ही है या नई ता'मीर-ए-मय-ख़ाना
अज़ल से उस पे रहमत है अबद तक उस पे रहमत हो
रक़म है ख़त्त-ए-जाम-ए-बादा में तक़दीर-ए-मय-ख़ाना
तो क्या ऐ ज़ाहिद-ए-ख़ुश्क उस की अज़्मत जान सकता है
क़लम से मौज-ए-कौसर के खिची तस्वीर-ए-मय-ख़ाना
ये मय-सज्जादा रंगीं-कुन गरत पीर-ए-मुग़ाँ गोयद
कि दाना-ए-रमूज़-ए-दो-जहाँ है पीर-ए-मय-ख़ाना
मिला पाओगे इस का सिलसिला तसनीम-ओ-कौसर से
बहुत तूल-ओ-तवील ऐ शैख़ है ज़ंजीर-ए-मय-ख़ाना
बना है शीशा-ए-मय सर-ब-सर आईना-ए-महशर
बरी ज़ोहद-ओ-रिया से है जवान-ए-पीर-ए-मय-ख़ाना
तू सारी उम्र अब माथा रगड़ता रह कड़ा के कर
न टाले से टले ऐ शैख़ ये ता'ज़ीर-ए-मय-ख़ाना
दहाई साक़ी-ए-कौसर की ये हैं नफ़्स के बंदे
जो वस्ल-ए-हूर की ख़ातिर करें तहक़ीर-ए-मय-ख़ाना
हबाब-ए-ख़त-ए-जाम-ओ-क़ुलक़ुल-ए-मीना से साबित है
वो है तस्बीह-ए-मय-ख़ाना ये है तकबीर-ए-मय-ख़ाना
गिरा जो ख़िश्त-ए-ख़ुम पर सर लब-ए-कौसर ने चूमा है
कि है तक़्सीर-ए-मय-ख़ाना ही में तौक़ीर-ए-मय-ख़ाना
न क्यूँ हर क़तरा-ए-मय मेहर की आँखों का तारा हो
कि बर्क़-ए-तूर की है इक चमक तनवीर-ए-मयख़ाना
पड़ी है इक नज़र जिस पर वो बे-ख़ुद हो गया 'कैफ़ी'
निगाह-ए-मस्त-ए-साक़ी में है क्या तासीर-ए-मय-ख़ाना
lab-e-sāġhar se sun lo zāhido taqrīr-e-mai-ḳhāna
shikast-e-tauba hī hai yā na.ī ta.amīr-e-mai-ḳhāna
azal se us pe rahmat hai abad tak us pe rahmat ho
raqam hai ḳhatt-e-jām-e-bāda meñ taqdīr-e-mai-ḳhāna
to kyā ai zāhid-e-ḳhushk us kī azmat jaan saktā hai
qalam se mauj-e-kausar ke khichī tasvīr-e-mai-ḳhāna
ye mai-sajjāda rañgīñ-kun garat pīr-e-muġhāñ goyad
ki dānā-e-rumūz-e-do-jahāñ hai pīr-e-mai-ḳhāna
milā pāoge is kā silsila tasnīm-o-kausar se
bahut tūl-o-tavīl ai shaiḳh hai zanjīr-e-mai-ḳhāna
banā hai shīsha-e-mai sar-ba-sar ā.īna-e-mahshar
barī zohd-o-riyā se hai javān-e-pīr-e-mai-ḳhāna
tū saarī umr ab māthā ragaḌtā rah kaḌā ke kar
na Taale se Tale ai shaiḳh ye ta.azīr-e-mai-ḳhāna
dahā.ī sāqī-e-kausar kī ye haiñ nafs ke bande
jo vasl-e-hūr kī ḳhātir kareñ tahqīr-e-mai-ḳhāna
habāb-e-ḳhat-e-jām-o-qulqul-e-mīnā se sābit hai
vo hai tasbīh-e-mai-ḳhāna ye hai takbīr-e-mai-ḳhāna
girā jo ḳhisht-e-ḳhum par sar lab-e-kausar ne chūmā hai
ki hai taqsīr-e-mai-ḳhāna hī meñ tauqīr-e-mai-ḳhāna
na kyuuñ har qatra-e-mai mehr kī āñkhoñ kā taarā ho
ki barq-e-tūr kī hai ik chamak tanvīr-e-mai-ḳhāna
paḌī hai ik nazar jis par vo be-ḳhud ho gayā 'kaifī'
nigāh-e-mast-e-sāqī meñ hai kyā tāsīr-e-mai-ḳhāna
لب ساغر سے سن لو زاہدو تقریر مے میخانہ
شکست توبہ ہی ہے یا نئی تعمیر مے خانہ
ازل سے اس پہ رحمت ہے ابد تک اس پہ رحمت ہو
رقم ہے خط جام بادہ میں تقدیر مے خانہ
تو کیا اے زاہد خشک اس کی عظمت جان سکتا ہے
قلم سے موج کوثر کے کھچی تصویر مے خانہ
یہ مے سجادہ رنگیں کن گرت پیر مغاں گوید
کہ دانائے رموز دو جہاں ہے پیر مے خانہ
ملا پاؤ گے اس کا سلسلہ تسنیم و کوثر سے
بہت طول و طویل اے شیخ ہے زنجیر مے خانہ
بنا ہے شیشۂ مے سر بسر آئینۂ محشر
بری زہد و ریا سے ہے جوان پیر مے خانہ
تو ساری عمر اب ماتھا رگڑتا رہ کڑا کے کر
نہ ٹالے سے ٹلے اے شیخ یہ تعزیر مے خانہ
دہائی ساقیٔ کوثر کی یہ ہیں نفس کے بندے
جو وصل حور کی خاطر کریں تحقیر مے خانہ
حباب خط جام و قلقل مینا سے ثابت ہے
وہ ہے تسبیح مے خانہ یہ ہے تکبیر مے خانہ
گرا جو خشت خم پر سر لب کوثر نے چوما ہے
کہ ہے تقصیر مے خانہ ہی میں توقیر مے خانہ
نہ کیوں ہر قطرۂ مے مہر کی آنکھوں کا تارا ہو
کہ برق طور کی ہے اک چمک تنویر مے خانہ
پڑی ہے اک نظر جس پر وہ بے خود ہو گیا کیفیؔ
نگاہ مست ساقی میں ہے کیا تاثیر مے خانہ