क्या हुआ मरकज़-ए-हस्ती अगर इंसाँ न हुआ
आबरू ख़ाक है क़तरे की जो तूफ़ाँ न हुआ
सख़्त मुश्किल है कि हिम्मत ये हुई सहल-पसंद
ग़ैर-मुमकिन रहा वो काम जो आसाँ न हुआ
शर्म भी आती है ये कहते और अफ़सोस भी है
आदमी यूँ तो सभी कुछ हुआ इंसाँ न हुआ
जामा पहने रहा परवानों की जाँ-बाज़ी का
शो'ला फ़ानूस के पर्दे में भी उर्यां न हुआ
कर गया आँखों को ख़ीरा वो फ़रोग़-ए-जल्वा
किस लिए नूर-ए-हुदा पर्दे में पिन्हाँ न हुआ
खेल समझा किए 'आलम के करिश्मों को हम
दिल-ए-ख़ुद-रफ़्ता किसी बात से हैराँ न हुआ
फिर 'अजब क्या है 'अदम से जो हुई दिलचस्पी
दर्खुर-ए-वुस'अत-ए-दिल ‘आलम-ए-इम्काँ न हुआ
हैं मिरे दिल में वो आहें न बनें जो बिजली
मेरी आँखों में वो क़तरा है जो तूफ़ाँ न हुआ
हौसला किस को है दिल चीर के दिखलाऊँ किसे
वो शरर इस में है जो संग में पिन्हाँ न हुआ
ग़म रहा उन को जो दोज़ख़ में पड़े जलते हैं
मेरे ख़ुश होने का जन्नत में भी सामाँ न हुआ
दो जगह दैर में या दार पे तुम 'कैफ़ी' को
काफ़िर-ए-‘इश्क़ कभी दुश्मन-ए-ईमाँ न हुआ
kyā huā markaz-e-hastī agar insāñ na huā
aabrū ḳhaak hai qatre kī jo tūfāñ na huā
saḳht mushkil hai ki himmat ye huī sahl-pasand
ġhair-mumkin rahā vo kaam jo āsāñ na huā
sharm bhī aatī hai ye kahte aur afsos bhī hai
aadmī yuuñ to sabhī kuchh huā insāñ na huā
jaama pahne rahā parvānoñ kī jāñ-bāzī kā
sho'la fānūs ke parde meñ bhī uryāñ na huā
kar gayā āñkhoñ ko ḳhīra vo faroġh-e-jalva
kis liye nūr-e-hudā parde meñ pinhāñ na huā
khel samjhā kiye 'ālam ke karishmoñ ko ham
dil-e-ḳhud-rafta kisī baat se hairāñ na huā
phir 'ajab kyā hai 'adam se jo huī dilchaspī
darḳhur-e-vus'at-e-dil ‘ālam-e-imkāñ na huā
haiñ mire dil meñ vo aa.heñ na baneñ jo bijlī
merī āñkhoñ meñ vo qatra hai jo tūfāñ na huā
hausla kis ko hai dil chiir ke dikhlā.ūñ kise
vo sharar is meñ hai jo sang meñ pinhāñ na huā
ġham rahā un ko jo dozaḳh meñ paḌe jalte haiñ
mere ḳhush hone kā jannat meñ bhī sāmāñ na huā
do jagah dair meñ yā daar pe tum 'kaifī' ko
kāfir-e-‘ishq kabhī dushman-e-īmāñ na huā
کیا ہوا مرکز ہستی اگر انساں نہ ہوا
آبرو خاک ہے قطرے کی جو طوفاں نہ ہوا
سخت مشکل ہے کہ ہمت یہ ہوئی سہل پسند
غیر ممکن رہا وہ کام جو آساں نہ ہوا
شرم بھی آتی ہے یہ کہتے اور افسوس بھی ہے
آدمی یوں تو سبھی کچھ ہوا انساں نہ ہوا
جامہ پہنے رہا پروانوں کی جاں بازی کا
شعلہ فانوس کے پردے میں بھی عریاں نہ ہوا
کر گیا آنکھوں کو خیرہ وہ فروغ جلوہ
کس لیے نور ہدیٰ پردے میں پنہاں نہ ہوا
کھیل سمجھا کیے عالم کے کرشموں کو ہم
دل خود رفتہ کسی بات سے حیراں نہ ہوا
پھر عجب کیا ہے عدم سے جو ہوئی دلچسپی
درخور وسعت دل عالم امکاں نہ ہوا
ہیں مرے دل میں وہ آہیں نہ بنیں جو بجلی
میری آنکھوں میں وہ قطرہ ہے جو طوفاں نہ ہوا
حوصلہ کس کو ہے دل چیر کے دکھلاؤں کسے
وہ شرر اس میں ہے جو سنگ میں پنہاں نہ ہوا
غم رہا ان کو جو دوزخ میں پڑے جلتے ہیں
میرے خوش ہونے کا جنت میں بھی ساماں نہ ہوا
دو جگہ دیر میں یا دار پہ تم کیفیؔ کو
کافر عشق کبھی دشمن ایماں نہ ہوا