कुलाह-ए-कज बदल जाती है या अफ़सर बदलता है
अभी खुलता नहीं क्या वक़्त का तेवर बदलता है
ये देखा है कि महवर इस्तवा ऊपर बदलता है
फ़लक सदियों पुरानी नीलगूँ चादर बदलता है
दिलों में सोज़-ए-ग़म वाले धुएँ भी आरज़ूएँ भी
अजम वाला मुसलमाँ हर सदी में घर बदलता है
निशाँ-कर्दा घरों को छोड़ भागे घर जो लौटे हैं
तो देखा पिछली शब दहलीज़ का नंबर बदलता है
हर इक फ़िरऔन के अहवाल-ए-ग़र्क़ाबी जुदागाना
कभी दरिया बदलता है कभी लश्कर बदलता है
ज़माना एहतिरामन घूम जाता है उसी जानिब
जो अच्छाई को इक इंसान रत्ती भर बदलता है
हम अब मग़रिब के दस्त-आमोज़ दुनिया को नहीं लगते
उग आएँ बाल-ओ-पर अपने तो बाल-ओ-पर बदलता है
कोई दरवाज़ा भीतर की तरफ़ खुलता नहीं 'एहसाँ'
वही अंदर की कालक है फ़क़त बाहर बदलता है
kulāh-e-kaj badal jaatī hai yā afsar badaltā hai
abhī khultā nahīñ kyā vaqt kā tevar badaltā hai
ye dekhā hai ki mehvar istavā uupar badaltā hai
falak sadiyoñ purānī nīlgūñ chādar badaltā hai
diloñ meñ soz-e-ġham vaale dhueñ bhī ārzūeñ bhī
ajam vaalā musalmāñ har sadī meñ ghar badaltā hai
nishāñ-karda gharoñ ko chhoḌ bhāge ghar jo lauTe haiñ
to dekhā pichhlī shab dahlīz kā number badaltā hai
har ik fir.aun ke ahvāl-e-ġharqābī judāgāna
kabhī dariyā badaltā hai kabhī lashkar badaltā hai
zamāna ehtirāman ghuum jaatā hai usī jānib
jo achchhā.ī ko ik insān rattī bhar badaltā hai
ham ab maġhrib ke dast-āmoz duniyā ko nahīñ lagte
ug aa.eñ bāl-o-par apne to bāl-o-par badaltā hai
koī darvāza bhītar kī taraf khultā nahīñ 'ehsāñ'
vahī andar kī kālak hai faqat bāhar badaltā hai
کلاہ کج بدل جاتی ہے یا افسر بدلتا ہے
ابھی کھلتا نہیں کیا وقت کا تیور بدلتا ہے
یہ دیکھا ہے کہ محور استوا اوپر بدلتا ہے
فلک صدیوں پرانی نیلگوں چادر بدلتا ہے
دلوں میں سوز غم والے دھوئیں بھی آرزوئیں بھی
عجم والا مسلماں ہر صدی میں گھر بدلتا ہے
نشاں کردہ گھروں کو چھوڑ بھاگے گھر جو لوٹے ہیں
تو دیکھا پچھلی شب دہلیز کا نمبر بدلتا ہے
ہر اک فرعون کے احوال غرقابی جداگانہ
کبھی دریا بدلتا ہے کبھی لشکر بدلتا ہے
زمانہ احتراماً گھوم جاتا ہے اسی جانب
جو اچھائی کو اک انسان رتی بھر بدلتا ہے
ہم اب مغرب کے دست آموز دنیا کو نہیں لگتے
اگ آئیں بال و پر اپنے تو بال و پر بدلتا ہے
کوئی دروازہ بھیتر کی طرف کھلتا نہیں احساںؔ
وہی اندر کی کالک ہے فقط باہر بدلتا ہے