कुफ़्र को ईमाँ बना दे ज़िंदगी ऐ ज़िंदगी
फ़र्क़-ए-ईन-ओ-आँ मिटा दे ज़िंदगी ऐ ज़िंदगी
मुझ को इक-तरफ़ा सज़ा दे ज़िंदगी ऐ ज़िंदगी
दर्द-ए-दिल को दिल बना दे ज़िंदगी ऐ ज़िंदगी
आह को नग़्मा बना दे ज़िंदगी ऐ ज़िंदगी
मेरी लय में लय मिला दे ज़िंदगी ऐ ज़िंदगी
जब ख़िलाफ़-ए-मस्लहत है इज़्न-ए-‘अर्ज़-ए-मुद्दआ
ख़ुद-कलामी ही सिखा दे ज़िंदगी ऐ ज़िंदगी
वो अजल जो फ़ितरतन है दुश्मन-ए-हुस्न-ए-‘अमल
उस को क़दमों पर झुका दे ज़िंदगी ऐ ज़िंदगी
जुर्म-ए-ना-कर्दा-गुनाही भी है जुर्म-ए-ना-सज़ा
हाँ मुझे इस की सज़ा दे ज़िंदगी ऐ ज़िंदगी
मौज-ए-सैल-ए-ग़म ने जो छीना है तुझ से वो सुकूँ
नाख़ुदा दे या ख़ुदा दे ज़िंदगी ऐ ज़िंदगी
इंक़िलाब-ए-वक़्त की तू हम-क़दम हो जाएगी
ये तिरे काफ़िर इरादे ज़िंदगी ऐ ज़िंदगी
दिल की धड़कन बढ़ रही है बर्क़-रफ़्तारी के साथ
तू जो चाहे वो दु'आ दे ज़िंदगी ऐ ज़िंदगी
'उम्र-भर की सोगवारी की तलाफ़ी चाहिए
मुस्कुरा दे मुस्कुरा दे ज़िंदगी ऐ ज़िंदगी
हर क़दम पर हर नफ़स पर तेरा दम भरता हूँ मैं
दाद-ए-अंदाज़-ए-वफ़ा दे ज़िंदगी ऐ ज़िंदगी
मेरे दिल की हर तड़प है बे-क़रारी की दलील
मौज साहिल-आश्ना दे ज़िंदगी ऐ ज़िंदगी
आज तक तू ने दिखाए हैं जो ख़्वाब-ए-नौ-ब-नौ
उन को आईना बना दे ज़िंदगी ऐ ज़िंदगी
मैं ने दिल से शह को नज़्र-ए-दुश्मन-ए-जाँ कर दिया
अब सज़ा दे या जज़ा दे ज़िंदगी ऐ ज़िंदगी
या तो अब आसान कर दुश्वारी-ए-स'ई-ए-'उरूज'
या इसे पत्थर बना दे ज़िंदगी ऐ ज़िंदगी
kufr ko īmāñ banā de zindagī ai zindagī
farq-e-īn-o-āñ miTā de zindagī ai zindagī
mujh ko ik-tarfa sazā de zindagī ai zindagī
dard-e-dil ko dil banā de zindagī ai zindagī
aah ko naġhma banā de zindagī ai zindagī
merī lai meñ lai milā de zindagī ai zindagī
jab ḳhilāf-e-maslahat hai izn-e-‘arz-e-mudda.ā
ḳhud-kalāmī hī sikhā de zindagī ai zindagī
vo ajal jo fitratan hai dushman-e-husn-e-‘amal
us ko qadmoñ par jhukā de zindagī ai zindagī
jurm-e-nā-karda-gunāhī bhī hai jurm-e-nā-sazā
haañ mujhe is kī sazā de zindagī ai zindagī
mauj-e-sail-e-ġham ne jo chhīnā hai tujh se vo sukūñ
nāḳhudā de yā ḳhudā de zindagī ai zindagī
inqilāb-e-vaqt kī tū ham-qadam ho jā.egī
ye tire kāfir irāde zindagī ai zindagī
dil kī dhaḌkan baḌh rahī hai barq-raftārī ke saath
tū jo chāhe vo du'ā de zindagī ai zindagī
'umr-bhar kī sogvārī kī talāfī chāhiye
muskurā de muskurā de zindagī ai zindagī
har qadam par har nafas par terā dam bhartā huuñ maiñ
dād-e-andāz-e-vafā de zindagī ai zindagī
mere dil kī har taḌap hai be-qarārī kī dalīl
mauj sāhil-āshnā de zindagī ai zindagī
aaj tak tū ne dikhā.e haiñ jo ḳhvāb-e-nau-ba-nau
un ko ā.īna banā de zindagī ai zindagī
maiñ ne dil se shah ko nazr-e-dushman-e-jāñ kar diyā
ab sazā de yā jazā de zindagī ai zindagī
yā to ab āsān kar dushvārī-e-sa'ī-e-'urūj'
yā ise patthar banā de zindagī ai zindagī
کفر کو ایماں بنا دے زندگی اے زندگی
فرق این و آں مٹا دے زندگی اے زندگی
مجھ کو اک طرفہ سزا دے زندگی اے زندگی
درد دل کو دل بنا دے زندگی اے زندگی
آہ کو نغمہ بنا دے زندگی اے زندگی
میری لے میں لے ملا دے زندگی اے زندگی
جب خلاف مصلحت ہے اذن ارض مدعا
خود کلامی ہی سکھا دے زندگی اے زندگی
وہ اجل جو فطرتاً ہے دشمن حسن عمل
اس کو قدموں پر جھکا دے زندگی اے زندگی
جرم ناکردہ گناہی بھی ہے جرم ناسزا
ہاں مجھے اس کی سزا دے زندگی اے زندگی
موج سیل غم نے جو چھینا ہے تجھ سے وہ سکوں
ناخدا دے یا خدا دے زندگی اے زندگی
انقلاب وقت کی تو ہم قدم ہو جائے گی
یہ ترے کافر ارادے زندگی اے زندگی
دل کی دھڑکن بڑھ رہی ہے برق رفتاری کے ساتھ
تو جو چاہے وہ دعا دے زندگی اے زندگی
عمر بھر کی سوگواری کی تلافی چاہئے
مسکرا دے مسکرا دے زندگی اے زندگی
ہر قدم پر ہر نفس پر تیرا دم بھرتا ہوں میں
داد انداز وفا دے زندگی اے زندگی
میرے دل کی ہر تڑپ ہے بے قراری کی دلیل
موج ساحل آشنا دے زندگی اے زندگی
آج تک تو نے دکھائے ہیں جو خواب نو بہ نو
ان کو آئینہ بنا دے زندگی اے زندگی
میں نے دل سے شہ کو نذر دشمن جاں کر دیا
اب سزا دے یا جزا دے زندگی اے زندگی
یا تو اب آسان کر دشواریٔ سعیٔ عروجؔ
یا اسے پتھر بنا دے زندگی اے زندگی