किस रंग में बयान करें माजरा-ए-क़ल्ब
देखा जो हम ने जल्वा-ए-हैरत-फ़ज़ा-ए-क़ल्ब
वो जानता है वुसअत-ए-मशरब के राज़ को
देखा है जिस ने आलम-ए-बे-इंतिहा-ए-क़ल्ब
यारब ये क़ल्ब-ए-हैअत-ए-कलबी अजीब है
नैरंग देखते हैं ये क्या ऐ ख़ुदा-ए-क़ल्ब
ये ज़मज़मा तुयूर-ए-ख़ुश-आहंग का नहीं
है नग़्मा-संज बुलबुल-ए-रंगीं-नवा-ए-क़ल्ब
रौशन-ज़मीर हैं ये तिरे ख़ाकसार-ए-इश्क़
रखते हैं फ़ैज़-ए-इश्क़ से नूर-ओ-सफ़ा-ए-क़ल्ब
सालिक बक़ा-ए-इश्क़ उसे कब नसीब हो
जिस के सुलूक में न हुई हो फ़ना-ए-क़ल्ब
ताबाँ है दिल में महर-ए-दरख़्शान-ए-मअ'रिफ़त
नूर-उल-क़ुलूब है ये हमारी ज़िया-ए-क़ल्ब
उश्शाक़ जो तसव्वुर-ए-बर्ज़ख़ के हो गए
आती है दम-ब-दम ये उन्हीं को सदा-ए-क़ल्ब
क़ल्ब-ए-शहीद में है तजल्ली-ए-हुस्न-ए-यार
मुश्ताक़-ए-जल्वा क्यूँ न हों दिल से फ़िदा-ए-क़ल्ब
साहब-दिलों को हक़ ने दिया है हुज़ूर-ए-क़ल्ब
मक़्बूल किस तरह से नहीं हो दुआ-ए-क़ल्ब
ये शौक़-ओ-रम की भूल-भुलय्याँ अजीब है
नैरंग-ए-रंग है हरम-ए-दिल-कुशा-ए-क़ल्ब
जिस पर पड़ी जहाँ में अबुल-वक़्त की निगाह
उस को मिला है आइना गीती-नुमा-ए-क़ल्ब
हैं आफ़्ताब नार-ए-मोहब्बत के सोख़्ता
सोहबत में उन की होती है 'साक़ी' जिला-ए-क़ल्ब
kis rañg meñ bayān kareñ mājrā-e-qalb
dekhā jo ham ne jalva-e-hairat-fazā-e-qalb
vo jāntā hai vus.at-e-mashrab ke raaz ko
dekhā hai jis ne ālam-e-be-intihā-e-qalb
yārab ye qalb-e-hai.at-e-qalbī ajiib hai
nairañg dekhte haiñ ye kyā ai ḳhudā-e-qalb
ye zamzama tuyūr-e-ḳhush-āhañg kā nahīñ
hai naġhma-sañj bulbul-e-rañgīñ-navā-e-qalb
raushan-zamīr haiñ ye tire ḳhāksār-e-ishq
rakhte haiñ faiz-e-ishq se nūr-o-safā-e-qalb
sālik baqā-e-ishq use kab nasīb ho
jis ke sulūk meñ na huī ho fanā-e-qalb
tābāñ hai dil meñ mahr-e-daraḳhshān-e-ma.arifat
nūr-ul-qulūb hai ye hamārī ziyā-e-qalb
ushshāq jo tasavvur-e-barzaḳh ke ho ga.e
aatī hai dam-ba-dam ye unhīñ ko sadā-e-qalb
qalb-e-shahīd meñ hai tajallī-e-husn-e-yār
mushtāq-e-jalva kyuuñ na hoñ dil se fidā-e-qalb
sāhab-diloñ ko haq ne diyā hai huzūr-e-qalb
maqbūl kis tarah se nahīñ ho duā-e-qalb
ye shauq-o-ram kī bhūl-bhulayyāñ ajiib hai
nairañg-e-rañg hai haram-e-dil-kushā-e-qalb
jis par paḌī jahāñ meñ abul-vaqt kī nigāh
us ko milā hai aa.ina gītī-numā-e-qalb
haiñ āftāb nār-e-mohabbat ke soḳhta
sohbat meñ un kī hotī hai 'sāqī' jilā-e-qalb
کس رنگ میں بیان کریں ماجرائے قلب
دیکھا جو ہم نے جلوۂ حیرت فزائے قلب
وہ جانتا ہے وسعت مشرب کے راز کو
دیکھا ہے جس نے عالم بے انتہائے قلب
یا رب یہ قلب ہیئت قلبی عجیب ہے
نیرنگ دیکھتے ہیں یہ کیا اے خدائے قلب
یہ زمزمہ طیور خوش آہنگ کا نہیں
ہے نغمہ سنج بلبل رنگیں نوائے قلب
روشن ضمیر ہیں یہ ترے خاکسار عشق
رکھتے ہیں فیض عشق سے نور و صفائے قلب
سالک بقائے عشق اسے کب نصیب ہو
جس کے سلوک میں نہ ہوئی ہو فنائے قلب
تاباں ہے دل میں مہر درخشان معرفت
نور القلوب ہے یہ ہماری ضیائے قلب
عشاق جو تصور برزخ کے ہو گئے
آتی ہے دم بہ دم یہ انہیں کو صدائے قلب
قلب شہید میں ہے تجلیٔ حسن یار
مشتاق جلوہ کیوں نہ ہوں دل سے فدائے قلب
صاحب دلوں کو حق نے دیا ہے حضور قلب
مقبول کس طرح سے نہیں ہو دعائے قلب
یہ شوق و رم کی بھول بھلیاں عجیب ہے
نیرنگ رنگ ہے حرم دل کشائے قلب
جس پر پڑی جہاں میں ابو الوقت کی نگاہ
اس کو ملا ہے آئنہ گیتی نمائے قلب
ہیں آفتاب نار محبت کے سوختہ
صحبت میں ان کی ہوتی ہے ساقیؔ جلائے قلب