किरन किरन ये किसी दीदा-ए-हसद में है
हर इक चराग़ हमारा धुएँ की ज़द में है
जिसे निकाला है हिंदसों से ज़ाइचा-गर ने
बक़ा हमारी उसी पाँच के अदद में है
हर एक शख़्स की क़ामत को नाप और बता
मिरे अलावा यहाँ कौन अपने क़द में है
घरों के सहन कुछ ऐसे सिकुड़ सिमट गए हैं
हर एक शख़्स मकीं जिस तरह लहद में है
लगे हैं शाख़ों पे जिस दिन से फूल-पात नए
हर एक पेड़ हवेली का चश्म-ए-बद में है
'नबील' ऐसे अधूरे हैं रोज़-ओ-शब जैसे
मिरा अज़ल किसी अंदेशा-ए-अबद में है
kiran kiran ye kisī dīda-e-hasad meñ hai
har ik charāġh hamārā dhueñ kī zad meñ hai
jise nikālā hai hindsoñ se zā.icha-gar ne
baqā hamārī usī pāñch ke adad meñ hai
har ek shaḳhs kī qāmat ko naap aur batā
mire alāva yahāñ kaun apne qad meñ hai
gharoñ ke sahn kuchh aise sikuḌ simaT ga.e haiñ
har ek shaḳhs makīñ jis tarah lahad meñ hai
lage haiñ shāḳhoñ pe jis din se phūl-pāt na.e
har ek peḌ havelī kā chashm-e-bad meñ hai
'nabīl' aise adhūre haiñ roz-o-shab jaise
mirā azal kisī andesha-e-abad meñ hai
کرن کرن یہ کسی دیدۂ حسد میں ہے
ہر اک چراغ ہمارا دھویں کی زد میں ہے
جسے نکالا ہے ہندسوں سے زائچہ گر نے
بقا ہماری اسی پانچ کے عدد میں ہے
ہر ایک شخص کی قامت کو ناپ اور بتا
مرے علاوہ یہاں کون اپنے قد میں ہے
گھروں کے صحن کچھ ایسے سکڑ سمٹ گئے ہیں
ہر ایک شخص مکیں جس طرح لحد میں ہے
لگے ہیں شاخوں پہ جس دن سے پھول پات نئے
ہر ایک پیڑ حویلی کا چشم بد میں ہے
نبیلؔ ایسے ادھورے ہیں روز و شب جیسے
مرا ازل کسی اندیشۂ ابد میں ہے