ख़ुशी के दौर-दौरे से है याँ रंज-ओ-मेहन पहले
बहार आती है पीछे और ख़िज़ाँ गिर्द-ए-चमन पहले
मोहिब्बान-ए-वतन होंगे हज़ारों बे-वतन पहले
फलेगा हिन्द पीछे और भरेगा अंदमन पहले
अभी मे'राज का क्या ज़िक्र ये पहली ही मंज़िल है
हज़ारों मंज़िलें करनी हैं तय हम को कठन पहले
मुनव्वर अंजुमन होती है महफ़िल गर्म होती है
मगर कब जब के ख़ुद जलती है शम'-ए-अंजुमन पहले
हमारा हिन्द भी फूले फलेगा एक दिन लेकिन
मिलेंगे ख़ाक में लाखों हमारे गुल-बदन पहले
उन्हीं के सर रहा सेहरा उन्हीं को ताज क़ुर्बां हो
जिन्होंने फाड़ कर कपड़े रखा सर पर कफ़न पहले
न हो कुछ ख़ौफ़ मरने का न हो कुछ फ़िक्र जीने की
अगर ऐ हम-दमों मन में लगी हो ये लगन पहले
हमारा हिन्द भी यूरोप से ले जाएगा बाज़ी
तिलक जैसे मोहिब्बान-ए-वतन हों इंडियन पहले
न सेहत की करें पर्वा न हम दौलत के तालिब हों
करें सब मुल्क पर क़ुर्बान तन मन और धन पहले
हमें दुख भोगना लेकिन हमारी नस्लें सुख पाएँ
ये मन में ठान लें अपने ये हिन्दी मर्द-ओ-ज़न पहले
मुसीबत आ क़यामत आ कहाँ ज़ंजीर-ओ-ज़िंदाँ हैं
यहाँ तय्यार बैठे हैं ग़रीबान-ए-वतन पहले
ḳhushī ke daur-daure se hai yaañ ranj-o-mehan pahle
bahār aatī hai pīchhe aur ḳhizāñ gird-e-chaman pahle
muhibbān-e-vatan hoñge hazāroñ be-vatan pahle
phalegā hind pīchhe aur bharegā andaman pahle
abhī me'rāj kā kyā zikr ye pahlī hī manzil hai
hazāroñ manzileñ karnī haiñ tai ham ko kaThan pahle
munavvar anjuman hotī hai mahfil garm hotī hai
magar kab jab ke ḳhud jaltī hai sham'-e-anjuman pahle
hamārā hind bhī phūle phalegā ek din lekin
mileñge ḳhaak meñ lākhoñ hamāre gul-badan pahle
unhīñ ke sar rahā sehrā unhīñ ko taaj qurbāñ ho
jinhoñne phaaḌ kar kapḌe rakhā sar par kafan pahle
na ho kuchh ḳhauf marne kā na ho kuchh fikr jiine kī
agar ai ham-damoñ man meñ lagī ho ye lagan pahle
hamārā hind bhī europe se le jā.egā baazī
tilak jaise muhibbān-e-vatan hoñ indian pahle
na sehat kī kareñ parvā na ham daulat ke tālib hoñ
kareñ sab mulk par qurbān tan man aur dhan pahle
hameñ dukh bhognā lekin hamārī nasleñ sukh paa.eñ
ye man meñ Thaan leñ apne ye hindī mard-o-zan pahle
musībat aa qayāmat aa kahāñ zanjīr-o-zindāñ haiñ
yahāñ tayyār baiThe haiñ ġharībān-e-vatan pahle
خوشی کے دور دورے سے ہے یاں رنج و محن پہلے
بہار آتی ہے پیچھے اور خزاں گرد چمن پہلے
محبان وطن ہوں گے ہزاروں بے وطن پہلے
پھلے گا ہند پیچھے اور بھرے گا اندمن پہلے
ابھی معراج کا کیا ذکر یہ پہلی ہی منزل ہے
ہزاروں منزلیں کرنی ہیں طے ہم کو کٹھن پہلے
منور انجمن ہوتی ہے محفل گرم ہوتی ہے
مگر کب جب کے خود جلتی ہے شمع انجمن پہلے
ہمارا ہند بھی پھولے پھلے گا ایک دن لیکن
ملیں گے خاک میں لاکھوں ہمارے گل بدن پہلے
انہیں کے سر رہا سہرا انہیں کو تاج قرباں ہو
جنھوں نے پھاڑ کر کپڑے رکھا سر پر کفن پہلے
نہ ہو کچھ خوف مرنے کا نہ ہو کچھ فکر جینے کی
اگر اے ہمدموں من میں لگی ہو یہ لگن پہلے
ہمارا ہند بھی یورپ سے لے جائے گا بازی
تلک جیسے محبان وطن ہوں انڈین پہلے
نہ صحت کی کریں پروا نہ ہم دولت کے طالب ہوں
کریں سب ملک پر قربان تن من اور دھن پہلے
ہمیں دکھ بھوگنا لیکن ہماری نسلیں سکھ پائیں
یہ من میں ٹھان لیں اپنے یہ ہندی مرد و زن پہلے
مصیبت آ قیامت آ کہاں زنجیر و زنداں ہیں
یہاں تیار بیٹھے ہیں غریبان وطن پہلے