ख़ामोश हूँ मैं लब पे शिकायत तो नहीं है
फ़रियाद करूँ ये मिरी आदत तो नहीं है
जो मौज-ए-ग़म-ओ-दर्द उठी है मिरे दिल में
हंगामा तो बे-शक है क़यामत तो नहीं है
शायद मुझे मिल जाए मिरे दर्द का दरमाँ
उम्मीद सही चैन की हालत तो नहीं है
फ़ुर्सत में मुझे याद भी कर लीजिए इक दिन
ये अर्ज़ मोहब्बत की अलामत तो नहीं है
मिल जाए सर-ए-राह किसी मोड़ पे कोई
इक हादसा बे-शक है रिफ़ाक़त तो नहीं है
इंसाफ़ जिसे हक़ का तरफ़-दार कहें सब
इस मुल्क में क़ाएम वो अदालत तो नहीं है
क्यूँ घर से निकलते हुए डरते हैं यहाँ लोग
इस शहर में क़ानून-ए-हिफ़ाज़त तो नहीं है
अल्लाह रज़ा पर तिरी राज़ी ही रहूँगी
हो शिकवा ज़बाँ पर ये जसारत तो नहीं है
आबाद रहा दिल में वही एक 'सबीला'
अब ग़ैर को आने की इजाज़त तो नहीं है
ḳhāmosh huuñ maiñ lab pe shikāyat to nahīñ hai
fariyād karūñ ye mirī aadat to nahīñ hai
jo mauj-e-ġham-o-dard uThī hai mire dil meñ
hañgāma to be-shak hai qayāmat to nahīñ hai
shāyad mujhe mil jaa.e mire dard kā darmāñ
ummīd sahī chain kī hālat to nahīñ hai
fursat meñ mujhe yaad bhī kar lījiye ik din
ye arz mohabbat kī alāmat to nahīñ hai
mil jaa.e sar-e-rāh kisī moḌ pe koī
ik hādsa be-shak hai rifāqat to nahīñ hai
insāf jise haq kā taraf-dār kaheñ sab
is mulk meñ qaa.em vo adālat to nahīñ hai
kyuuñ ghar se nikalte hue Darte haiñ yahāñ log
is shahr meñ qānūn-e-hifāzat to nahīñ hai
allāh razā par tirī raazī hī rahūñgī
ho shikva zabāñ par ye jasārat to nahīñ hai
ābād rahā dil meñ vahī ek 'sabīla'
ab ġhair ko aane kī ijāzat to nahīñ hai
خاموش ہوں میں لب پہ شکایت تو نہیں ہے
فریاد کروں یہ مری عادت تو نہیں ہے
جو موج غم و درد اٹھی ہے مرے دل میں
ہنگامہ تو بے شک ہے قیامت تو نہیں ہے
شاید مجھے مل جائے مرے درد کا درماں
امید سہی چین کی حالت تو نہیں ہے
فرصت میں مجھے یاد بھی کر لیجیے اک دن
یہ عرض محبت کی علامت تو نہیں ہے
مل جائے سر راہ کسی موڑ پہ کوئی
اک حادثہ بے شک ہے رفاقت تو نہیں ہے
انصاف جسے حق کا طرف دار کہیں سب
اس ملک میں قائم وہ عدالت تو نہیں ہے
کیوں گھر سے نکلتے ہوئے ڈرتے ہیں یہاں لوگ
اس شہر میں قانون حفاظت تو نہیں ہے
اللہ رضا پر تری راضی ہی رہوں گی
ہو شکوہ زباں پر یہ جسارت تو نہیں ہے
آباد رہا دل میں وہی ایک سبیلہؔ
اب غیر کو آنے کی اجازت تو نہیں ہے