कहा है मैं ने ये कब माहताब मिल जाए
मुझे तो बस मिरी आँखों का ख़्वाब मिल जाए
मैं इस गली से यही सोच कर गुज़रता हूँ
किताब-ए-ज़ीस्त का गुम-गश्ता बाब मिल जाए
सभी गुनाह मैं हँस कर क़ुबूल कर लूँगा
फ़क़ीह-ए-शहर का तुझ को ख़िताब मिल जाए
मिले फ़क़त मिरे हिस्से की रौशनी मुझ को
तलब कहाँ है कोई आफ़्ताब मिल जाए
ब-क़द्र-ए-ज़र्फ़ ही गरचे सवाल है मेरा
अजब नहीं कि मुझे बे-हिसाब मिल जाए
मैं बहर-ए-फ़िक्र में हूँ ग़र्क़ इस लिए 'नायाब'
गुहर मुझे भी कोई ज़ेर-ए-आब मिल जाए
kahā hai maiñ ne ye kab māhtāb mil jaa.e
mujhe to bas mirī āñkhoñ kā ḳhvāb mil jaa.e
maiñ is galī se yahī soch kar guzartā huuñ
kitāb-e-zīst kā gum-gashta baab mil jaa.e
sabhī gunāh maiñ hañs kar qubūl kar lūñgā
faqīh-e-shahr kā tujh ko ḳhitāb mil jaa.e
mile faqat mire hisse kī raushnī mujh ko
talab kahāñ hai koī āftāb mil jaa.e
ba-qadr-e-zarf hī garche savāl hai merā
ajab nahīñ ki mujhe be-hisāb mil jaa.e
maiñ bahr-e-fikr meñ huuñ ġharq is liye 'nāyāb'
guhar mujhe bhī koī zer-e-āb mil jaa.e
کہا ہے میں نے یہ کب ماہتاب مل جائے
مجھے تو بس مری آنکھوں کا خواب مل جائے
میں اس گلی سے یہی سوچ کر گزرتا ہوں
کتاب زیست کا گم گشتہ باب مل جائے
سبھی گناہ میں ہنس کر قبول کر لوں گا
فقیہ شہر کا تجھ کو خطاب مل جائے
ملے فقط مرے حصے کی روشنی مجھ کو
طلب کہاں ہے کوئی آفتاب مل جائے
بقدر ظرف ہی گرچہ سوال ہے میرا
عجب نہیں کہ مجھے بے حساب مل جائے
میں بحر فکر میں ہوں غرق اس لیے نایابؔ
گہر مجھے بھی کوئی زیر آب مل جائے