जो बशर हर वक़्त महव-ए-ज़ात है
क़ल्ब उस का लम-यज़ल मिरआत है
जिस को शग़्ल-ए-नफ़ी-ओ-इस्बात है
वो ही साहिब-दिल है ख़ुश-औक़ात है
सहव होता है कभी होता है महव
क्या मज़े का अपना ये दिन-रात है
ना-मुराद-ए-दहर फ़र्द-ए-दहर है
वो जहाँ में क़ाज़ी-उल-हाजात है
हों सिफ़ात-ए-नफ़्स जिस के क़ल्ब-ए-रूह
वो बशर कब है वो हुस्न-ए-ज़ात है
साहब-ए-निस्बत का रुत्बा है बुलंद
गरचे ज़ाहिद साहबुद्दा'वात है
बस्त में जब क़ब्ज़ का दौरा हुआ
है क़यामत नज़्अ' की सकरात है
वो त'अय्युन ही के फंदे में रहा
जो यहाँ पाबंद-ए-महसूसात है
मुग़्बचो हो जाओ तुम भी बे-नियाज़
पीर-ए-मुग़ तो क़िबला-ए-हाजात है
हम भी हैं 'साक़ी' तलाश-ए-यार में
वो जो मिल जाए तो फिर क्या बात है
jo bashar har vaqt mahv-e-zāt hai
qalb us kā lam-yazal mir.āt hai
jis ko shaġhl-e-nafī-o-isbāt hai
vo hī sāhib-dil hai ḳhush-auqāt hai
sahv hotā hai kabhī hotā hai mahv
kyā maze kā apnā ye din-rāt hai
nā-murād-e-dahr fard-e-dahr hai
vo jahāñ meñ qāzī-ul-hājāt hai
hoñ sifāt-e-nafs jis ke qalb-e-rūh
vo bashar kab hai vo husn-e-zāt hai
sāhab-e-nisbat kā rutba hai buland
garche zāhid sāhabudda.avāt hai
bast meñ jab qabz kā daura huā
hai qayāmat naz' kī sakrāt hai
vo ta'ayyun hī ke phande meñ rahā
jo yahāñ pāband-e-mahsūsāt hai
muġhbacho ho jaao tum bhī be-niyāz
pīr-e-muġh to qibla-e-hājāt hai
ham bhī haiñ 'sāqī' talāsh-e-yār meñ
vo jo mil jaa.e to phir kyā baat hai
جو بشر ہر وقت محو ذات ہے
قلب اس کا لم یزل مرآت ہے
جس کو شغل نفی و اثبات ہے
وہ ہی صاحب دل ہے خوش اوقات ہے
سہو ہوتا ہے کبھی ہوتا ہے محو
کیا مزے کا اپنا یہ دن رات ہے
نامراد دہر فرد دہر ہے
وہ جہاں میں قاضی الحاجات ہے
ہوں صفات نفس جس کے قلب روح
وہ بشر کب ہے وہ حسن ذات ہے
صاحب نسبت کا رتبہ ہے بلند
گرچہ زاہد صاحب الدعوات ہے
بست میں جب قبض کا دورہ ہوا
ہے قیامت نزع کی سکرات ہے
وہ تعین ہی کے پھندے میں رہا
جو یہاں پابند محسوسات ہے
مغبچو ہو جاؤ تم بھی بے نیاز
پیر مغ تو قبلۂ حاجات ہے
ہم بھی ہیں ساقیؔ تلاش یار میں
وہ جو مل جائے تو پھر کیا بات ہے