जिस को ख़बर नहीं उसे जोश-ओ-ख़रोश है
जो पा गया वो राज़ वो गुम है ख़मोश है
है एक शोर-ए-बुलबुल-ओ-सौत-ए-शगुफ़्ता-गुल
ये सूर-ए-आफ़ियत है वो यासीन-ए-होश है
आई थी शक्ल दिल के जो आइना में नज़र
बंद आँख इस से और ज़बाँ भी ख़मोश है
ये हाल हो कि आप में आलम को देख ले
गर दिल में तेरे इश्क़ की कसरत का जोश है
कब है कमाल-ए-इश्क़ पे हावी ग़म-ए-फ़िराक़
एक एक ज़र्रा क़ैस को महमिल ब-दोश है
वारफ़्ता-ए-हवा-ए-तरब याद रख उसे
जो दर्द की खटक है नवेद-ए-सरोश है
बर्क़-ए-जमाल नाफ़ा-ए-मा-ओ-शुमा हुई
क्या ज़िक्र-ए-शम-ए-तूर कि वो भी ख़मोश है
क्या है तिरा हुदूस-ओ-क़िदम हम तो हैं वहाँ
हस्ती जहाँ अदम के लिए ख़्वाब-नोश है
उश्शाक़ जामा पहने हैं तस्लीम-ए-इश्क़ का
दस्तार-ओ-जुब्बा शैख़ का हाँ पर्दा-पोश है
तेरे जहाँ से महफ़िल-ए-रिंदाँ जुदा है शैख़
हर एक मुग़बचा यहाँ कस्र-ए-फ़रोश है
साक़ी की एक नज़र ही हमें मस्त कर गई
किस को सुराही-ओ-ख़म-ओ-साग़र का होश है
अमृत के झाले मर किया ला-तक़्नतू की हैं
इस बज़्म में ये मश्ग़ला-ए-नाओ-नोश है
'कैफ़ी' ये अहल-ए-दहर से कह दो पुकार कर
इस बज़्म में वो आए कि जो सरफ़रोश है
jis ko ḳhabar nahīñ use josh-o-ḳharosh hai
jo pā gayā vo raaz vo gum hai ḳhamosh hai
hai ek shor-e-bulbul-o-saut-e-shagufta-gul
ye sūrat-e-āfiyat hai vo yāsīn-e-hosh hai
aa.ī thī shakl dil ke jo aa.ina meñ nazar
band aañkh is se aur zabāñ bhī ḳhamosh hai
ye haal ho ki aap meñ aalam ko dekh le
gar dil meñ tere ishq kī kasrat kā josh hai
kab hai kamāl-e-ishq pe haavī ġham-e-firāq
ek ek zarra qais ko mahmil ba-dosh hai
vārafta-e-havā-e-tarab yaad rakh use
jo dard kī khaTak hai naved-e-sharosh hai
barq-e-jamāl nāfe-e-mā-o-shumā huī
kyā zikr-e-sham-e-tūr ki vo bhī ḳhamosh hai
kyā hai tirā hudūs-o-qidam ham to haiñ vahāñ
hastī jahāñ adam ke liye ḳhvāb-nosh hai
ushshāq jaama pahne haiñ taslīm-e-ishq kā
dastār-o-jubba shaiḳh kā haañ pardā-posh hai
tere jahāñ se mahfil-e-rindāñ judā hai shaiḳh
har ek muġhbacha yahāñ kasr-e-farosh hai
saaqī kī ek nazar hī hameñ mast kar ga.ī
kis ko surāhī-o-ḳham-o-sāġhar kā hosh hai
amrit ke jhāle mar kiyā lā-taqnatū kī haiñ
is bazm meñ ye mashġhala-e-nāo-nosh hai
'kaifī' ye ahl-e-dahr se kah do pukār kar
is bazm meñ vo aa.e ki jo sarfarosh hai
جس کو خبر نہیں اسے جوش و خروش ہے
جو پا گیا وہ راز وہ گم ہے خموش ہے
ہے ایک شور بلبل و صوت شگفتہ گل
یہ صور عافیت ہے وہ یاسین ہوش ہے
آئی تھی شکل دل کے جو آئنہ میں نظر
بند آنکھ اس سے اور زباں بھی خموش ہے
یہ حال ہو کہ آپ میں عالم کو دیکھ لے
گر دل میں تیرے عشق کی کثرت کا جوش ہے
کب ہے کمال عشق پہ حاوی غم فراق
ایک ایک ذرہ قیس کو محمل بہ دوش ہے
وارفتۂ ہوائے طرب یاد رکھ اسے
جو درد کی کھٹک ہے نوید سروش ہے
برق جمال نافئے ما و شما ہوئی
کیا ذکر شمع طور کہ وہ بھی خموش ہے
کیا ہے ترا حدوث و قدم ہم تو ہیں وہاں
ہستی جہاں عدم کے لئے خواب نوش ہے
عشاق جامہ پہنے ہیں تسلیم عشق کا
دستار و جبہ شیخ کا ہاں پردہ پوش ہے
تیرے جہاں سے محفل رنداں جدا ہے شیخ
ہر ایک مغبچہ یہاں کثر فروش ہے
ساقی کی ایک نظر ہی ہمیں مست کر گئی
کس کو صراحی و خم و ساغر کا ہوش ہے
امرت کے جھالے مر کیا لا تقنطو کی ہیں
اس بزم میں یہ مشغلۂ ناؤنوش ہے
کیفیؔ یہ اہل دہر سے کہہ دو پکار کر
اس بزم میں وہ آئے کہ جو سرفروش ہے