जलन के ख़ौफ़ से बाहर निकल सको तो चलो
बिछी है धूप ही रस्तों में चल सको तो चलो
यही तक़ाज़ा है इस बार भी मोहब्बत का
बदन पे गर्द-ए-सफ़र को जो मल सको तो चलो
जला के ज़िल्लत-ए-शब में हथेलियों पे चराग़
हवा के रुख़ को अगरचे बदल सको तो चलो
मिला है इज़्न-ए-मसाफ़त कड़े अंधेरों में
किसी चराग़ की लौ में जो ढल सको तो चलो
ख़याल रखना अजल आख़िरी पड़ाव नहीं
अज़ाब-ए-उम्र से बाहर निकल सको तो चलो
बहुत ही टेढ़ा है ऐ दोस्त इश्क़ का रस्ता
बग़ैर राह-नुमा के सँभल सको तो चलो
इस एक शर्त पे गुलशन में दाख़िला होगा
किसी गुलाब के साँचे में ढल सको तो चलो
हर एक गाम पे बिखरी है राख सदियों की
'नबील' बन के शरारा जो जल सको तो चलो
jalan ke ḳhauf se bāhar nikal sako to chalo
bichhī hai dhuup hī rastoñ meñ chal sako to chalo
yahī taqāzā hai is baar bhī mohabbat kā
badan pe gard-e-safar ko jo mal sako to chalo
jalā ke zillat-e-shab meñ hatheliyoñ pe charāġh
havā ke ruḳh ko agarche badal sako to chalo
milā hai izn-e-masāfat kaḌe añdheroñ meñ
kisī charāġh kī lau meñ jo Dhal sako to chalo
ḳhayāl rakhnā ajal āḳhirī paḌāv nahīñ
azāb-e-umr se bāhar nikal sako to chalo
bahut hī TeḌhā hai ai dost ishq kā rasta
baġhair rāh-numā ke sambhal sako to chalo
is ek shart pe gulshan meñ dāḳhila hogā
kisī gulāb ke sāñche meñ Dhal sako to chalo
har ek gaam pe bikhrī hai raakh sadiyoñ kī
'nabīl' ban ke sharāra jo jal sako to chalo
جلن کے خوف سے باہر نکل سکو تو چلو
بچھی ہے دھوپ ہی رستوں میں چل سکو تو چلو
یہی تقاضا ہے اس بار بھی محبت کا
بدن پہ گرد سفر کو جو مل سکو تو چلو
جلا کے ذلت شب میں ہتھیلیوں پہ چراغ
ہوا کے رخ کو اگرچہ بدل سکو تو چلو
ملا ہے اذن مسافت کڑے اندھیروں میں
کسی چراغ کی لو میں جو ڈھل سکو تو چلو
خیال رکھنا اجل آخری پڑاؤ نہیں
عذاب عمر سے باہر نکل سکو تو چلو
بہت ہی ٹیڑھا ہے اے دوست عشق کا رستہ
بغیر راہنما کے سنبھل سکو تو چلو
اس ایک شرط پہ گلشن میں داخلہ ہوگا
کسی گلاب کے سانچے میں ڈھل سکو تو چلو
ہر ایک گام پہ بکھری ہے راکھ صدیوں کی
نبیلؔ بن کے شرارہ جو جل سکو تو چلو