ये कौन जल्वा-फ़गन है मिरी निगाहों में
क़दम क़दम पे बरसता है नूर राहों में
भरोसा हद से सिवा था मुझे कभी जिस पर
मिरे ख़िलाफ़ है शामिल वही गवाहों में
सुपुर्दगी का ये आलम भी क्या क़यामत है
सिमट के यूँ तेरा आ जाना मेरी बाहोँ में
तिरी पनाह में रह कर भी जो नहीं महफ़ूज़
मिरा शुमार है ऐसे ही बे-पनाहों में
कब आसमान का फटता है दिल ये देखना है
बदल रही हैं मिरी सिसकियाँ कराहों में
मैं कैसे पेश करूँ दावा पारसाई का
मैं एक उम्र मुलव्विस रहा गुनाहों में
बना है जब से वो 'नायाब' हम-सफ़र मेरा
बिछे हुए हैं मसर्रत के फूल राहों में
ye kaun jalva-fagan hai mirī nigāhoñ meñ
qadam qadam pe barastā hai nuur rāhoñ meñ
bharosa had se sivā thā mujhe kabhī jis par
mire ḳhilāf hai shāmil vahī gavāhoñ meñ
supurdagī kā ye aalam bhī kyā qayāmat hai
simaT ke yuuñ terā aa jaanā merī bāhoñ meñ
tirī panāh meñ rah kar bhī jo nahīñ mahfūz
mirā shumār hai aise hī be-panāhoñ meñ
kab āsmān kā phahTtā hai dil ye dekhnā hai
badal rahī haiñ mirī siskiyāñ karāhoñ meñ
maiñ kaise pesh karūñ da.avā pārsā.ī kā
maiñ ek umr mulavvis rahā gunāhoñ meñ
banā hai jab se vo 'nāyāb' ham-safar merā
bichhe hue haiñ masarrat ke phuul rāhoñ meñ
یہ کون جلوہ فگن ہے مری نگاہوں میں
قدم قدم پہ برستا ہے نور راہوں میں
بھروسہ حد سے سوا تھا مجھے کبھی جس پر
مرے خلاف ہے شامل وہی گواہوں میں
سپردگی کا یہ عالم بھی کیا قیامت ہے
سمٹ کے یوں تیرا آ جانا میری باہوں میں
تری پناہ میں رہ کر بھی جو نہیں محفوظ
مرا شمار ہے ایسے ہی بے پناہوں میں
کب آسمان کا پھٹتا ہے دل یہ دیکھنا ہے
بدل رہی ہیں مری سسکیاں کراہوں میں
میں کیسے پیش کروں دعویٰ پارسائی کا
میں ایک عمر ملوث رہا گناہوں میں
بنا ہے جب سے وہ نایابؔ ہم سفر میرا
بچھے ہوئے ہیں مسرت کے پھول راہوں میں