जहाँ में जिस की शोहरत कू-ब-कू है
वो मुझ से आज महव-ए-गुफ़्तुगू है
रहा आबाद ख़्वाबों में जो अब तक
ख़ुशा क़िस्मत कि अब वो रू-ब-रू है
कभी वो प्यार से इक फूल लाए
बहुत दिन से मिरी ये आरज़ू है
नहीं आता ग़ज़ल में नाम कोई
तअल्लुक़ इस क़दर बा-आबरू है
मिरा एहसास जिस से है मोअत्तर
वही ख़ुशबू तो मेरे चार-सू है
सरापा मेरा जो है इतना रंगीं
ये उस की याद का ही रंग-ओ-बू है
जहाँ कल तक था मायूसी का सहरा
वहाँ उम्मीद की इक आबजू है
वो आवाज़ें जो दिल में गूँजती हैं
मिरी अन्फ़ास की वो हाव-हू है
मुझे ले जाए जो मंज़िल की जानिब
अब ऐसे कारवाँ की जुस्तुजू है
मिरा ज़ाहिर नज़र आता है जैसा
मिरा बातिन भी वैसा हू-ब-हू है
'सबीला' सोच इतनी पाक रक्खी
हर इक मज़मून मेरा बा-वज़ू है
jahāñ meñ jis kī shohrat kū-ba-kū hai
vo mujh se aaj mahv-e-guftugū hai
rahā ābād ḳhvāboñ meñ jo ab tak
ḳhushā qismat ki ab vo rū-ba-rū hai
kabhī vo pyaar se ik phuul laa.e
bahut din se mirī ye aarzū hai
nahīñ aatā ġhazal meñ naam koī
ta.alluq is qadar bā-ābrū hai
mirā ehsās jis se hai mo.attar
vahī ḳhushbū to mere chār-sū hai
sarāpā merā jo hai itnā rañgīñ
ye us kī yaad kā hī rañg-o-bū hai
jahāñ kal tak thā māyūsī kā sahrā
vahāñ ummīd kī ik aabjū hai
vo āvāzeñ jo dil meñ gūñjtī haiñ
mirī anfās kī vo hāv-hū hai
mujhe le jaa.e jo manzil kī jānib
ab aise kārvāñ kī justujū hai
mirā zāhir nazar aatā hai jaisā
mirā bātin bhī vaisā hū-ba-hū hai
'sabīla' soch itnī paak rakkhī
har ik mazmūn merā bā-vazū hai
جہاں میں جس کی شہرت کو بہ کو ہے
وہ مجھ سے آج محو گفتگو ہے
رہا آباد خوابوں میں جو اب تک
خوشا قسمت کہ اب وہ روبرو ہے
کبھی وہ پیار سے اک پھول لائے
بہت دن سے مری یہ آرزو ہے
نہیں آتا غزل میں نام کوئی
تعلق اس قدر با آبرو ہے
مرا احساس جس سے ہے معطر
وہی خوشبو تو میرے چار سو ہے
سراپا میرا جو ہے اتنا رنگیں
یہ اس کی یاد کا ہی رنگ و بو ہے
جہاں کل تک تھا مایوسی کا صحرا
وہاں امید کی اک آب جو ہے
وہ آوازیں جو دل میں گونجتی ہیں
مری انفاس کی وہ ہاؤ ہو ہے
مجھے لے جائے جو منزل کی جانب
اب ایسے کارواں کی جستجو ہے
مرا ظاہر نظر آتا ہے جیسا
مرا باطن بھی ویسا ہو بہ ہو ہے
سبیلہؔ سوچ اتنی پاک رکھی
ہر اک مضمون میرا با وضو ہے